ازىق-ت ۇلىك قورى جەتكىلىكتى

ەلىمىزدە ازىق-ت ۇلىك قورى جەتكىلىكتى, سوندىقتان دا تەڭگە باعامىنىڭ وزگەرۋىنە بايلانىستى ەشقانداي دا باعا كوتەرىلۋى مۇمكىن ەمەس. شىندىعىن ايتسام, ونىڭ بىردە ءبىر العىشارتىن بايقاماي وتىرمىن. بۇرناعى كۇنى بولعان تەڭگە باعامىنا جاسالعان تۇزەتۋ الەمدىك جاعدايلارعا بايلانىستى بولىپ وتىرعانى بارشامىزعا جاقسى بەلگىلى. ءوز باسىم بۇدان دۇربەلەڭ بولار ەشبىر سەبەپتى تاپپاي وتىرمىن. مەنىڭ ۇعىمىمدا ۆاليۋتا باعامىن تۇزەتۋ ەلىمىزدىڭ الەمدىك نارىقتاعى باسەكەلەستىككە توتەپ بەرۋ ءۇشىن جاسالادى. مۇنداي كۇردەلى ارەكەت مەملەكەتتىڭ قۋاتىن ارتتىرا ءتۇسۋ ماقساتىندا ىستەلەدى. دەمەك ءبىز, يگى جولدى بۇرا تارتپاي, ۇكىمەتتىڭ بۇل شاراسىن قولداۋىمىز كەرەك. مۇنىمەن بىرگە, قازاقستان حالقىن بىزدە ازىق-ت ۇلىك قورى جەتكىلىكتى ەكەنىن, سوندىقتان دا ەشقانداي باعا كوتەرىلۋى مۇمكىن ەمەس ەكەنىن ايتىپ سەندىرگىم كەلەدى. سەبەبى, ءبىز ازىق-ت ۇلىك ونىمدەرىنىڭ باسىم كوپشىلىگىن وزىمىزدە وندىرەمىز. سونداي-اق, تەڭگە باعامىنىڭ وزگەرۋى جەكە ءوندىرىستى باسەكەلەستىك ورتادا دامىتۋعا ىقپال ەتەتىنىن باسا ايتقان ءجون. بۇل شارا ءوز كەزەگىندە ەلدىڭ اگروونەركاسىپ سالاسىنا وڭ اسەرىن بەرەتىن بولادى. ءبىزدى نە كۇتىپ تۇر دەگەن ماسەلەگە توقتالاتىن بولسام, قازاقستان جولىندا ەشقانداي بەلگىسىزدىك جوق. شۇكىر, ءبارى ايقىن, ءبارى انىق كورىنىپ تۇر. ەڭ الدىمەن تەڭگە باعامىنىڭ وسى وزگەرىسىنىڭ ناتيجەسىندە بيۋدجەت جۇيەسىنە مول قارجى رەسۋرستارى قۇيىلادى. سونىڭ ارقاسىندا ءبىزدىڭ تاۋار وندىرۋشىلەرىمىز قولداۋعا يە بولادى. ەكونوميكالىق تۇرعىدا الىپ قاراعاندا بىزدەر ءبىرىنشى كەزەكتە ءوندىرىسىمىزدى قامتاماسىز ەتەمىز. ال بۇل جاڭا جۇمىس ورىندارىنىڭ اشىلۋىنا سەپتىگىن تيگىزەدى. اقشا قاراجاتىنىڭ قۇيىلۋى جاڭا باعدارلامالارعا جول اشادى. سوندىقتان ەلىمىزدىڭ ءاربىر ازاماتىن ەلدىك شاراعا تۇسىنىستىكپەن قاراۋعا شاقىرامىن. ءازىمحان ساتىبالدين,  «قازاگرويننوۆاتسيا» اق باسقارما  توراعاسىنىڭ ورىنباسارى.