باقىلاۋعا دا بايىپتىلىق كەرەك

اقمولا مەديا-ورتالىعىندا وبلىس اكىمىنىڭ ورىنباسارى اس­حات قايناربەكوۆ ەلدەگى ۆاليۋ­تا باعامىندا ورىن العان وزگەرىس­تەر­گە بايلانىستى بريفينگ وتكىز­دى. ونىڭ جۇمىسىنا ۇلتتىق بانك فيليالىنىڭ ديرەكتورى ع.شە­گە­نوۆ, وبلىستىق كاسىپكەرلىك جانە ونەركاسىپ باسقارماسىنىڭ باس­شىسى ت.حاميتوۆ, وبلىستىق تا­بي­عي مونوپوليالار­دى رەتتەۋ دەپار­تامەنتى مەن مونوپولياعا قار­سى ينسپەكتسيانىڭ باسشىلارى ت.ماكسيلوۆ پەن ە.سۇلەيمەنوۆ قاتىستى. اسحات قانات ۇلى رەسپۋب­ليكالىق جانە جەرگىلىكتى باق جۋرناليستەرى مەن پار­تيالاردىڭ, قوعامدىق ۇيىم­داردىڭ وكىلدەرىنە العاشقى ەكى كۇننىڭ قورىتىندىلارى تۋرالى تولىق مالىمەت بەردى. قاڭتاردىڭ 11-ءى كۇنى وبلىس اكىمى قوسمان ايتمۇحامەتوۆ اۋدان اكىمدەرىمەن, باسقارما, كاسىپورىن باسشىلارىمەن, حالىق تۇتىنۋ تاۋارلارىن ءوندىرۋشى وپەراتورلارمەن جانە ەكىجاقتى مەموراندۋم يەلەرىمەن شۇعىل ءماجىلىس وتكىزدى. وندا 21 پۋنكت بويىنشا ءىس-شارالار جوسپارى بەكىتىلىپ, قولدانىستاعى باعانى ۇستاپ تۇرۋ, ونىڭ نەگىزسىز وسۋىنە جول بەرمەۋ تۋرالى تاپسىرما بەرىلدى. وبلىستا ازىق-ت ۇلىكتىڭ 33 اتاۋىنىڭ باعاسى قاتاڭ باقىلاۋدا ۇستالۋدا. ارنايى كوميسسيا قۇرىلىپ, كۇنىنە ءۇش رەت باقىلاۋ اقپاراتتارى ساراپتان وتكىزىلۋدە كورىنەدى. بولماشى اۋىتقۋشىلىقتارعا قاراماستان وڭىردەگى جاعداي تۇراقتى سيپاتتا دەگەن ءمالىم­دەمە جاسالدى. بريفينگكە قاتىسۋشىلار تاراپىنان ۇكىمەت باسشىسى تاراپىنان بەلگىلەنگەن نۇسقاۋلاردى ورىنداماۋشىلارعا قول­دا­نىلاتىن شارالار, مۇنداي جاعدايلار تۋرالى قايدا حابارلانۋى قاجەت, تۇرعىن ءۇي مەن اۆتوكولىكتىڭ قىمباتتاۋى, نەسيەنى شەتەل ۆاليۋتاسىمەن العانداردىڭ ماسەلەسى, تاۋار دەفيتسيتى قولدان جاسالا ما, ءدارى-دارمەكتەردىڭ جايى, تاعى باسقا پروبلەمالار تۋرالى سۇراقتار قويىلدى. كەزدەسۋ سوڭىندا وبلىس­ اكىمىنىڭ ورىنباسارى ا.قايناربەكوۆ ءباسپاسوز وكىلدەرىن سالماقتى دا بايىپتى جاريالانىمدار ارقىلى وبلىس تۇرعىندارى اراسىندا تۇسىنىك جۇمىستارىن جۇرگىزۋگە شاقىردى. باقبەرگەن امالبەك, «ەگەمەن قازاقستان». اقمولا وبلىسى.