وقيعا • 16 قازان، 2021

ەلوردادا ايالداما جانە كولىك اينەگىن سىندىرعان قىز ۇستالدى

177 رەت كورسەتىلدى

ەلوردادا قوعامدىق كولىك ايالداماسى اينەگىن سىندىرعان قىز ۇستالدى. بۇل تۋرالى نۇر-سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى Egemen.kz.

«كەشە ساعات 22:11-دە نۇر-سۇلتان قالالىق پوليتسيا دەپارتامەنتىنىڭ جەدەل باسقارۋ ورتالىعىنا بوگەنباي باتىر داڭعىلى بويىندا بەلگىسىز ادامنىڭ ايالدامانىڭ جانە وعان تاياۋ ماڭدا تۇرعان كولىكتەردىڭ اينەگىن سىندىرىپ جۇرگەنى تۋرالى حابارلاما ءتۇستى.

پاترۋلدىك پوليتسيا پولكىنىڭ قىزمەتكەرلەرى 23 جاستاعى پەتروپاۆل قالاسىنىڭ تۇرعىنىن ۇستادى. كۇدىك قىزدىڭ قولىندا كىرپىشپەن الدىمەن ايالاما اينەگىن، ودان كەيىن «Toyota Corolla» جانە «Nissan» ماركالى كولىكتەردىڭ ارتقى تەرەزەلەرىن سىندىرعانى انىقتالدى»، دەلىنگەن دەپارتامەنت مالىمەتىندە.

ۆەدومستۆو اقپاراتىنا سايكەس، اتالعان فاكت بويىنشا «بۇزاقىلىق» بابىمەن قىلمىستىق ءىس قوزعالعان.

«قوعامدىق ءتارتىپتى ورەسكەل بۇزعانى، سونىمەن قاتار وزگەنىڭ مۇلكىن بۇلدىرگەنى ءۇشىن ۇستالعان ادامعا قاتىستى سوتقا دەيىنگى تەرگەۋ باستالدى. شىعىن سوماسى انىقتالىپ جاتىر»، دەدى «بايقوڭىر» اۋداندىق پب باستىعىنىڭ ورىنباسارى دارحان سايرانبەكوۆ.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار