قازاقستان • 15 قازان، 2021

تۇركىستاندا قازاقستان ونكولوگتارى مەن راديولوگتارىنىڭ VIII سەزى وتۋدە

90 رەت كورسەتىلدى

تۇركىستان قالاسىندا حالىقارالىق عالىمداردىڭ قاتىسۋمەن قازاقستاننىڭ ونكولوگتارى مەن راديولوگتارىنىڭ VIII سەزى وتۋدە، دەپ حابارلايدى Egemen.kz.

سەزد ۇيىمداستىرۋشىلارى قازاقستان رەسپۋبليكاسى دەنساۋلىق ساقتاۋ مينيسترلىگى، قازاقستان ونكولوگتارىنىڭ قاۋىمداستىعى جانە «قازاق ونكولوگيا جانە راديولوگيا عزي» اق بولىپ تابىلادى. ءىس-شارا گيبريدتى فورماتتا وفلاين جانە ونلاين رەجيمدە ءوتىپ جاتىر. 

قازاقستان ونكولوگتارى مەن راديولوگتارىنىڭ VIII سەزىنىڭ اشىلۋ سالتاناتىنا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ، قازاقستان رەسپۋبليكاسىنىڭ دەنساۋلىق ساقتاۋ ءمينيسترى الەكسەي تسوي، تۇركىستان وبلىسى اكىمىنىڭ ورىنباسارى ارمان ءسابيتوۆ، قر دسم شتاتتان تىس باس ونكولوگى، «قازاق ونكولوگيا جانە راديولوگيا عزي» اق باسقارما ءتورايىمى ديليارا قايداروۆا، امەريكاندىق-ەۋرازيالىق قاتەرلى ىسىككە قارسى اليانستىڭ اتقارۋشى ديرەكتورى سوفيا مايكلسون قاتىستى. 

سەزدە تمد ەلدەرىنىڭ رەسەي، قىرعىزستان، وزبەكستان، تاجىكستان جانە ۋكراينا ەلدەرىنىڭ ونكولوگيالىق قىزمەتتەرىنىڭ باسشىلارى دا ءسوز سويلەدى.

پ

قازاقستان ونكولوگتارى مەن راديولوگتارى سەزىنىڭ باعدارلاماسى زاماناۋي ونكولوگيانىڭ وزەكتى ماسەلەلەرىنىڭ كەڭ اۋقىمىن قامتيدى.

ولار:

  • ونكولوگيالىق قىزمەتتى ۇيىمداستىرۋ جانە ونىڭ ەكونوميكاسى; ونكولوگيالىق اۋرۋلاردىڭ الدىن الۋ جانە ەرتە دياگنوستيكالاۋ;
  • ىسىكتەردىڭ مولەكۋلالىق-بيولوگيالىق ەرەكشەلىكتەرى;
  • ساۋلەلىك دياگنوستيكا; حيرۋرگيانىڭ زاماناۋي جەتىستىكتەرى (توراكالدى ونكولوگيا، ءسۇت بەزدەرىنىڭ ىسىكتەرى، ونكوۋرولوگيا، ونكوگينەكولوگيا، باس جانە مويىن ىسىكتەرى، سۇيەك جانە جۇمساق تىندەردىڭ ىسىكتەرى، كولورەكتالدى قاتەرلى ىسىك، بالالار ونكولوگياسى، نەيروونكولوگيا);
  • دەربەستەندىرىلگەن تەراپيانىڭ يننوۆاتسيالىق ادىستەرى;
  • ساۋلەلىك تەراپيا مەن تارگەتتىك تەراپيانىڭ جوعارى تەحنولوگيالىق ادىستەرى; پاتومورفولوگيانىڭ زاماناۋي پرينتسيپتەرى;
  • ونكولوگيالىق ناۋقاستارعا وڭالتۋ جانە پاللياتيۆتىك كومەك كورسەتۋ ماسەلەلەرى; سكرينينگتىك باعدارلامالاردى ىسكە اسىرۋ;
  • قاتەرلى ىسىكتەردىڭ دامۋى مەن ەۆوليۋتسياسىنداعى عىلىمي جاڭالىقتار جانە تاعى باسقالار.

سەزد جۇمىسىنا فرانتسيا، يسپانيا، اقش، تۇركيا، كورەيا، گرۋزيا، رەسەي، ۋكراينا جانە تمد ەلدەرىنىڭ جەتەكشى عىلىمي جانە كلينيكالىق ورتالىقتارىنىڭ عالىمدارى مەن تاجىريبەلى ونكولوگ-ماماندارى قاتىسۋدا.

قازاق ونكولوگيا جانە راديولوگيا عزي ماماندارى شەتەلدىك حيرۋرگتارمەن بىرلەسىپ ونكوگينەكولوگيا جانە ماممولوگيا بويىنشا تىكەلەي شەبەرلىك-ساعاتتار وتكىزدى.

ەلىمىزدە ونكولوگيالىق كومەكتى جەتىلدىرۋ قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ جانە قازاقستان رەسپۋبليكاسىندا ونكولوگيالىق اۋرۋلارمەن كۇرەس جونىندەگى 2018 - 2022 جىلدارعا ارنالعان كەشەندى جوسپاردىڭ مىندەتتەرىن ىسكە اسىرۋ شەڭبەرىندە جۇزەگە اسىرىلادى.

قازاقستان رەسپۋبليكاسىنىڭ ۇكىمەتى ونكولوگيالىق كومەكتىڭ دامۋى مەن پروبلەمالارىنا كوپ كوڭىل بولەدى. ەلىمىزدە ونكولوگيالىق كومەك ينفراقۇرىلىمىن دامىتۋ جالعاسۋدا.

ا

«2019 جىلى پاۆلوداردا جاڭا ونكولوگيالىق ورتالىق ىسكە قوسىلدى. 2020 جىلى ماڭعىستاۋ وبلىسىندا جاڭا ونكولوگيالىق ورتالىقتار سالىندى. جامبىل وبلىسىندا جاڭا ونكولوگيالىق ورتالىقتىڭ قۇرىلىسى اياقتالۋدا. ونكوديسپانسەرلەر زاماناۋي ەمدەۋ-دياگنوستيكالىق جابدىقتارمەن: جەلىلىك ۇدەتكىشتەرمەن، كت جانە مرت اپپاراتتارىمەن، ەندوسكوپيالىق جابدىقتارمەن جاراقتالادى، الماتى، وسكەمەن، اتىراۋ، پاۆلودار قالالارىندا جاڭا جەلىلىك ۇدەتكىشتەر ورناتىلدى»، دەدى قازاقستان پرەمەر-ءمينيسترىنىڭ ورىنباسارى ەرالى توعجانوۆ.

«قازاقستاندىق ونكولوگتار ونكولوگيالىق اۋرۋلاردى دياگنوستيكالاۋ جانە ەمدەۋ سالاسىنداعى جۇمىستى جالعاستىرۋدا جانە بۇگىنگى ءىس-شارا پاندەميانىڭ كۇردەلى كەزەڭىنە قاراماستان، عالىمدار مەن دارىگەرلەر ءوز جۇمىستارىن جالعاستىرىپ، قاتەرلى اۋرۋلارمەن كۇرەسۋدىڭ جاڭا تاسىلدەرىن ىزدەستىرۋدە! سىزدەردىڭ پراكتيكالىق ءىس-ارەكەتتەرىڭىز كورونوۆيرۋستىق ينفەكتسيانىڭ تارالۋىمەن جانە ونىڭ ونكولوگيالىق ناۋقاستارعا كومەك كورسەتۋگە ىقتيمال اسەرىمەن كۇردەلەنە تۇسەتىنىن جاقسى تۇسىنەمىز. بارلىقتارىڭىزعا تاباندىلىق، دەنساۋلىق جانە تابىستى عىلىمي جانە كاسىبي قىزمەت تىلەيمىن!» دەدى قر دەنساۋلىق ساقتاۋ ءمينيسترى الەكسەي تسوي.

سەزد اياسىندا ناقتى جانە ۆيرتۋالدى الاڭداردا زاماناۋي ونكولوگيانىڭ وزەكتى ماسەلەلەرى، سونىڭ ىشىندە كوروناۆيرۋس پاندەمياسى جاعدايىندا ونكولوگيالىق كومەك كورسەتۋ ماسەلەلەرى تالقىلانادى.

«سەزدە الەمنىڭ جەتەكشى عىلىمي جانە كلينيكالىق ورتالىقتارىنىڭ عالىمدارى مەن تاجىريبەشىلەرى بايانداما جاسادى. مەن قازاقستاننىڭ ونكولوگتارى مەن راديولوگتارىنىڭ 8 - ءشى سەزى اياسىندا ءبىزدىڭ جانە شەتەلدىك مامانداردىڭ اراسىندا تاماشا تاجىريبە الماسۋ وتەتىنىنە، ال وسى الماسۋ ءونىمى - الىنعان ءبىلىم كەڭ تاجىريبەگە ەنگىزىلەتىنىنە، جالپى العاندا ەلىمىزدىڭ تۇرعىندارىنىڭ دەنساۋلىعىن نىعايتۋعا قىزمەت ەتەتىنىنە سەنىمدىمىن»، دەپ اتاپ ءوتتى قر ۇعا اكادەميگى، قر دسم شتاتتان تىس باس ونكولوگى، قازوجرعزي باسقارما ءتورايىمى ديليارا قايداروۆا.

ر

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار