دارىگەرلەردىڭ ورتاشا جالاقىسى جاڭاشا ەسەپتەلەدى

وسىلايشا، قىزمەتكەردىڭ ورتاشا جالاقىسى ورتاشا كۇندىك (ساعاتتىق) جالاقىنى وقيعا كەزەڭىنە سايكەس كەلەتىن جۇمىس كۇندەرىنىڭ (جۇمىس ساعاتتارىنىڭ) سانىنا كوبەيتۋ جولىمەن بەس كۇندىك نەمەسە التى كۇندىك جۇمىس اپتاسى كەزىندەگى جۇمىس ۋاقىتىنىڭ تەڭگەرىمىن نەگىزگە الا وتىرىپ ەسەپتەلەدى دەلىنگەن.

جۇمىس ۋاقىتىنىڭ جيىنتىق ەسەبى كەزىندە قىزمەتكەردىڭ ورتاشا جالاقىسى ورتاشا ساعاتتىق جالاقىنى بەس كۇندىك نەمەسە التى كۇندىك جۇمىس اپتاسىنداعى جۇمىس ۋاقىتىنىڭ بالانسىنا سۇيەنە وتىرىپ، جۇمىس ساعاتتارىنىڭ ورتاشا جىلدىق سانىنا كوبەيتۋ ارقىلى ەسەپتەلەدى.

ورتاشا جالاقىنى ەسەپتەۋ كەزىندە ەسكەرىلمەيتىن تولەمدەرگە مىنالار جاتادى:

• جىل سايىنعى اقىلى ەڭبەك دەمالىسىنىڭ پايدالانىلماعان بولىگى ءۇشىن وتەماقى;
• ەڭبەككە ۋاقىتشا قابىلەتسىزدىگى بويىنشا الەۋمەتتىك جاردەماقى، سونداي-اق جۇمىس بەرۋشى بەلگىلەيتىن الەۋمەتتىك جاردەماقى مولشەرىنە قوسىمشا تولەمدەر;
• ەڭبەك دەمالىسىن بەرۋ كەزىندە قىزمەتكەرلەرگە تولەنەتىن جىل سايىنعى ەڭبەك دەمالىسى;
• قىزمەتتىك ىسساپارلارعا جىبەرىلەتىن قىزمەتكەرلەرگە وتەماقىلار;
• تۇراقتى جۇمىسى جولدا وتەتىن نەمەسە ءجۇرىپ-تۇرۋ سيپاتى بار نە قىزمەت كورسەتىلەتىن ۋچاسكەلەر شەگىندەگى قىزمەتتىك ساپارلارمەن بايلانىستى بولعان جاعدايلاردا وتەماقى تولەمدەرى;
• دالالىق جۇمىستارمەن اينالىساتىن قىزمەتكەرلەرگە دالالىق جابدىقتالىم;
• قىزمەتكەر جۇمىس بەرۋشىمەن بىرگە باسقا جەرگە جۇمىسقا اۋىسقان نەمەسە كوشكەن كەزدە وتەماقى تولەمى;
• تاراپتاردىڭ كەلىسىمى نەگىزىندە جۇمىس بەرۋشىنىڭ مۇددەسىندە قىزمەتكەردىڭ (جەكە تۇلعانىڭ) جەكە مۇلكىن پايدالانۋ كەزىندەگى شىعىستاردى وتەۋ;
• بەرىلگەن ءسۇتتىڭ نەمەسە وعان تەڭەستىرىلگەن تاماق ونىمدەرىنىڭ نەمەسە ديەتالىق (ەمدىك جانە پروفيلاكتيكالىق) تاماقتانۋعا، ارنايى كيىمگە جانە باسقا دا جەكە قورعانىش قۇرالدارىنا ارنالعان مامانداندىرىلعان ونىمدەردىڭ قۇنى;
• قىزمەتكەر ەڭبەك مىندەتتەرىن اتقارعان كەزدە ونىڭ ءومىرى مەن دەنساۋلىعىنا كەلتىرىلگەن زياندى وتەۋ جونىندەگى تولەمدەر (جوعالتىلعان جالاقىسى بولىگىندەگى تولەمدەردەن باسقا);
• قىزمەتكەرلەرگە جۇمىس بەرۋشى كورسەتەتىن ماتەريالدىق كومەك (اقشالاي جاردەماقى) (بالا تۋعان كەزدە، مەديتسينالىق قىزمەتتەرگە اقى تولەۋ ءۇشىن، جەرلەۋگە جانە باسقا دا جاعدايلاردا)، سونداي-اق جۇمىس بەرۋشىنىڭ قاراجاتى ەسەبىنەن ۇجىمدىق شارتتا نەمەسە جۇمىس بەرۋشىنىڭ اكتىسىندە قوسىمشا كوزدەلگەن وتەماقىلار مەن الەۋمەتتىك كەپىلدىكتەردى تولەۋ;
• بىرجولعى كوتەرمەلەۋ تولەمدەرى (بىرجولعى اقشالاي سىياقىنى قوسا العاندا);
• جۇمىس بەرۋشىنىڭ كىناسىنەن جالاقى تولەۋ كەشىكتىرىلگەن كەزدە جانە مىندەتتى زەينەتاقى جارنالارىن ۋاقتىلى اۋدارماعانى ءۇشىن جۇمىس بەرۋشى جۇمىسكەرگە تولەيتىن ءوسىمپۇلدار;
• جۇمىس بەرۋشىنىڭ قىزمەتكەرلەردى وقىتۋعا جانە ولاردىڭ بىلىكتىلىگىن ارتتىرۋعا بايلانىستى شىعىستارى;
• سپورتتىق بايقاۋلاردا، كونكۋرستاردا جانە جارىستاردا جۇلدەلى ورىندار ءۇشىن بەرىلەتىن اقشالاي ناگرادالار;
• قىزمەتكەرگە مەملەكەتتىك جانە قوعامدىق مىندەتتەردى ورىنداۋ ورنى بويىنشا تولەنگەن جالاقى;
• ەڭبەك كودەكسىنىڭ 72-بابىنا سايكەس كۇندەلىكتى جۇمىستى (جۇمىس اۋىسىمىن) بولىكتەرگە ءبولۋ كەزىندە جۇمىسكەرلەرگە جۇمىسى ءۇشىن وتەماقى تولەمدەرى;
• بالانى تاماقتاندىرۋعا ارنالعان ۇزىلىستەر ۋاقىتىندا ساقتالاتىن ورتاشا جالاقى;
• بوس تۇرىپ قالعان جاعدايدا قىزمەتكەرلەرگە تولەنگەن سومالار.

تۇسىندىرىلگەندەي، جۇمىس ۋاقىتىنىڭ جيىنتىق ەسەبى اۋىسىمدىق جۇمىستا، ۆاحتالىق جۇمىس ادىسىندە قولدانىلادى. قر قولدانىستاعى ەڭبەك كودەكسىندە اۋىسىمدىق جانە ۆاحتالىق ادىسپەن جۇمىس ىستەيتىن جۇمىسكەرلەرگە ولاردىڭ اۋىسىمارالىق، ۆاحتاارالىق دەمالىسىنا ەڭبەك دەمالىسىن بەرۋگە تىيىم سالىنباعان.

قۇجات جوباسى 28 قازانعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.