ايماقتار • 15 قازان، 2021

الماتى وبلىسىندا ەسىرتكى ساۋدالاعان ادام ۇستالدى

60 رەت كورسەتىلدى

الماتى وبلىسىندا ەسىرتكى ساتۋشىنى ۇستاۋ بويىنشا ارنايى وپەراتسيا ءوتتى، دەپ حابارلايدى Egemen.kz.

وبلىستىق پوليتسيانىڭ مالىمەتىنشە، قىركۇيەك ايىندا تالعار اۋدانىنداعى اۋىل تۇرعىنى ەسىرتكى زاتتارىن ساتۋمەن اينالىساتىنى بەلگىلى بولدى.

جەدەل-ىزدەستىرۋ ءىس-شارالارىن جۇرگىزۋ كەزىندە 45 جاستاعى ەر ادامنان سالماعى 5،07 گرامم «گاشيش» ەسىرتكى زاتى دەپ تانىلعان زات ساتىپ الىندى.

اتالعان فاكت قر قك-ءنىڭ 297-بابى 1-بولىگى «ەسىرتكى زاتتارىن ءىرى مولشەردە زاڭسىز وتكىزۋ» بويىنشا سدتبت-دە تىركەلدى.

«11 قازاندا ارنايى وپەراتسيا بارىسىندا ءتارتىپ ساقشىلارى كۇدىكتى ءجۇرىپ بارا جاتقان جەڭىل كولىكتى توقتاتتى. كۋاگەرلەردىڭ قاتىسۋىمەن جەكە ءتىنتۋ كەزىندە ودان ەرەكشە ءيىسى بار، 4 پوليەتيلەن تۇيىنشەككە ولشەپ ورالعان، وسىمدىكتەن الىنعان جاسىل ءتۇستى زات الىندى. ساراپتاما بۇل زاتتى سالماعى 228،14 گرامم «گاشيش» ەسىرتكى قۇرالى دەپ تانىدى»، دەپ مالىمدەدى ۆەدومستۆودا.

كۇدىكتى بۇلتارتپاۋ شاراسىن تاڭداۋ تۋرالى ماسەلەگە دەيىن ۋۇي-عا قامالدى. وزگە اقپارات قر قىجك 201-بابىنا سايكەس تەرگەۋ مۇددەسىندە جاريا ەتىلمەيدى.

سوڭعى جاڭالىقتار

ۇقساس جاڭالىقتار