«باتىس قازاقستان وبلىسىنىڭ جانىبەك جانە كازتالوۆ اۋداندارى اۋماعىندا قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ رەسپۋبليكالىق ماڭىزى بار اششىوزەك مەملەكەتتىك تابيعي قاۋمالى قۇرىلسىن», دەلىنگەن قۇجاتتا.
قۇجاتقا سايكەس قورىقشادا شتات سانى 78 ادامدى قۇرايدى.
قاۋلى جوباسى 28 قازانعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.
بۇعان دەيىن ورمان شارۋاشىلىعى جانە جانۋارلار دۇنيەسى كوميتەتى قورىقتىڭ ورال پوپۋلياتسياسىنىڭ كيىكتەرىن ساقتاۋ ءۇشىن قۇرىلاتىنىن حابارلاعان بولاتىن.
2021 جىلى تۇراقتى قورعاۋدىڭ ارقاسىندا كيىكتەردىڭ سانى 842 مىڭعا جەتتى. جانۋارلاردىڭ سيرەك كەزدەسەتىن جانە جويىلىپ بارا جاتقان تۇرلەرىن, ونىڭ ىشىندە كيىكتەردى قورعاۋدى «وحوتزووپروم» ءوب» رمقك جالپى اۋدانى 123 ملن گا بولاتىن 12 اكىمشىلىك وبلىستىڭ اۋماقتارىندا جۇزەگە اسىرادى, وندا 430 ينسپەكتور جانە ءجۇرىپ ءوتۋ مۇمكىندىگى جوعارى 152 اۆتوكولىك قۇرالى جۇمىلدىرىلعان.
