قوعام • 13 قازان، 2021

الماتىدا كورەي مادەنيەتىنىڭ فەستيۆالى وتەدى

47 رەت كورسەتىلدى

15-16 قازان كۇندەرى الماتى قالاسىنىڭ رەسپۋبليكا سارايىندا كورەي مادەنيەتىنىڭ فەستيۆالى وتەدى، دەپ حابارلايدى Egemen.kz.

بۇل تۋرالى كورەيا رەسپۋبليكاسى ەلشىلىگى كورەي مادەني ورتالىعىنىڭ ءباسپاسوز قىزمەتى اقپارات تاراتتى. شارا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالماق.

«شارا قازاقستاندىقتاردىڭ كورەياعا دەگەن قىزىعۋشىلىعىنىڭ ارتۋىنا ىقپال ەتەدى. فەستيۆالدە كورەي حالقىنىڭ ءداستۇرى مەن مادەنيەتىنە قىزىعاتىن الماتىلىقتارعا جانە قالا قوناقتارىنا ءتۇرلى كونتسەرتتىك باعدارلامالار ۇسىنىلادى»، دەيدى كورەي مادەني ورتالىعىنىڭ ديرەكتورى لي حەران.

ونىڭ ايتۋىنشا، ءدال وسنىداي شارا وتكەن اپتادا نۇر-سۇلتان قالاسىندا دا ۇيىمداستىرىلعان.

«الماتى قالاسىنداعى كورەي مادەنيەتىنىڭ فەستيۆالى 15 جانە 16 قازان كۇندەرى رەسپۋبليكا سارايىندا وتەدى. 15 قازاندا ساعات 19.00-دە كورەي مۋزىكالىق كومەديا تەاترى كورەي ءداستۇرلى ونەرىنىڭ كونتسەرتىن وتكىزسە، 16 قازاندا «ICU» جانە «N. CUS» سياقتى K-POP توپتارى كونتسەرت قويادى»، دەيدى ورتالىق ديرەكتورى.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار