ءبىرىنشى نىسان «قتج» ۇك» اق ەنشىلەس كومپانياسى «قازتەمىرترانس» اق ءۇشىن 1 مىڭ اشىق ۆاگوندى دايىنداۋ جانە جەتكىزۋ مىندەتىن تابىستى ورىنداعان «قازاقستان ۆاگون جاساۋ كومپانياسى» جشس وندىرىستىك الاڭى بولدى.
– وسىنداي قىسقا مەرزىم ىشىندە ايىنا 150 جارتىلاي ۆاگون شىعارۋدى جولعا قويۋعا بولاتىنىنا سەنگەندەر قاتارى از بولدى. بۇل – ۇلكەن جەتىستىك. قازاقستان ەكونوميكاسى قارقىندى دامۋىن جالعاستىرىپ, زاماناۋي كاسىپورىندار ىسكە قوسىلىپ, جاڭا كەن ورىندارى ازىرلەنۋدە, سوندىقتان الداعى 3-5 جىلدا جارتىلاي ۆاگوندارعا دەگەن قاجەتتىلىك تەك ارتا تۇسەدى, – دەدى ق.الماعامبەتوۆ.
ايتا كەتۋ كەرەك, بۇل جوبا مەملەكەت قولداۋىمەن جۇزەگە اسىرىلدى. «بايتەرەك» ۇبح» اق جانە «ونەركاسىپتى دامىتۋ قورى» اق بيىل تەمىر جول مۇقتاجى ءۇشىن 1 مىڭ جارتىلاي جۇك ۆاگونىن وندىرۋگە جانە جەتكىزۋگە 23,3 ملرد تەڭگە ءبولدى.
جاڭا اشىق ۆاگوندار تەمىر جول ۋچاسكەلەرىنە ءبولىندى: جاڭا-قاراعاندى-برەست – 325, جومارت-كاۆكاز – 65, شۇباركول-لۋجسكايا – 200, شۇباركول-ۆىشەستەبلينسكايا – 200, قىزىلجار-ەلەكتر ستانساسى – 65 جانە قورجىنكول-ەلەكتر ستانساسىنا 145 بىرلىك.
– «قازتەمىرترانس» اق پاركى جاڭا جىلجىمالى قۇراممەن تولىقتى. بۇل رەتتە, جاڭا يننوۆاتسيالىق ۆاگونداردىڭ جوندەۋ ارالىعىنىڭ ۇلعايۋى وتە ىڭعايلى, – دەيدى «قازتەمىرترانس» اق تاسىمالداۋدى قامتاماسىز ەتۋ دەپارتامەنتىنىڭ ديرەكتورى نۇرلان ەسەمباەۆ.
سونىمەن قاتار, ق.الماعامبەتوۆ ەكىباستۇزدا ورنالاسقان Railways Systems KZ جشس كومپانيالار توبىنىڭ نىساندارىن ارالادى. «پرومماشكومپلەكت» جشس-دا تەمىر جول دوڭگەلەكتەرىن وندىرۋدەگى جاعداي تۋرالى ايتىلدى. ەگەر 2019 جىلى 53 مىڭعا جۋىق دوڭعالاق شىعارىلىپ, جونەلتىلسە, 2020 جىلى – 154 مىڭ, ال بيىل شامامەن 120 مىڭ دوڭگەلەك شىعارىلدى. ءونىم قازاقستان بويىنشا دا, شەتەلدەرگە دە قويىلادى.
ال RWS Wheelset جشس-دا تەمىر جول وستەرى مەن دوڭگەلەك جۇپتارى شىعارىلادى. وسى جىلى كاسىپورىن پەتروپاۆلداعى «زيكستو» اق ءۇشىن 10 مىڭ دوڭگەلەك جۇپتارىنا جانە «قازاقستان ۆاگون جاساۋ كومپانياسى» جشس ءۇشىن تاعى 4 مىڭ دوڭگەلەككە تاپسىرىس بەردى.
