«ۇلتتىق رۋحاني جاڭعىرۋ» جوباسىنىڭ باستى ماقساتى – عاسىرلار بويى قالىپتاسقان ۇلتتىق كودتى ساقتاپ, بۇگىنگى تەحنولوگيالىق زاماننىڭ اعىمىنا بەيىمدەپ, بولاشاقتاعى وركەنيەتتىك سانانىڭ نەگىزىن بەكىتۋ.
«وسى رەتتە, ۇلتتىق جوبا نەگىزگى ءۇش باعىتتا جۇزەگە اسىرىلادى. ءبىرىنشى باعىت ەكى نەگىزگى مىندەتتى كوزدەيدى. بۇل – ەلباسى مەن مەملەكەت باسشىسىنىڭ يدەيالىق باستامالارى نەگىزىندە ىسكە اسىپ جاتقان «رۋحاني جاڭعىرۋ» باعدارلاماسىنا جاڭا لەپ بەرۋ ارقىلى ۇلتتىق قۇندىلىقتارىمىزدى ىلگەرىلەتۋ جانە مەملەكەتتىك ءتىلدى دامىتۋ», دەدى ا. بالاەۆا.
اتاپ ايتقاندا:
- حالىق اراسىندا ۇتىمدى سالت-ءداستۇر مەن ادەت-عۇرىپتاردى, ەلدىك ءتالىم-تاربيە مەن رۋحاني ۇستەمدىكتى دارىپتەۋ جانە قوعامدىق سانانىڭ مادەني دەڭگەيى مەن تالعامىن كوتەرۋ ارقىلى وركەنيەت كوشىنە ىلەسەتىن, باسەكەگە قابىلەتتى جاڭا ۇلت كەلبەتىن جاساۋ;
- جالپى قوعامدا, سونىڭ ىشىندە بالالار مەن جاستار اراسىندا قازاقتىلدى ورتا قالىپتاستىرۋ ارقىلى مەملەكەتتىك ءتىلدى – ۇلتارالىق ءتىل دارەجەسىنە جەتكىزۋ.
«بۇل مىندەتتەردى ورىنداۋ ءۇشىن 2025 جىلعا دەيىن قارجىلىق جاعىنان نەگىزدەلىپ, ءوزارا بىرىكتىرىلگەن 38 اۋقىمدى ءىس-شارا مەن 8 ناقتى كورسەتكىشكە جەتۋ جوسپارلانعان.
ەكىنشى باعىت «ەل رۋحى» دەگەن اتاۋمەن ەكى ۇلكەن مىندەتتەن تۇرادى. بۇل – ەل ىشىندە مادەني قىزمەتتەردىڭ ساپاسىن كوتەرىپ, حالىققا قولجەتىمدىلىگىن ارتتىرۋ جانە ەل سىرتىندا وتاندىق مادەنيەتتى دارىپتەپ, تانىمال ەتۋ», دەدى مينيستر.
وسى ورايدا 2025 جىلعا دەيىن: - مادەني ينفراقۇرىلىمدى دامىتۋ مەن شىعارماشىلىق پوتەنتسيالدى بارىنشا ارتتىرۋ ارقىلى مادەني قىزمەتتەردىڭ ەلىمىزدىڭ شالعاي اۋدان-اۋىلدارداعى قولجەتىمدىلىگىن 92,5%-عا دەيىن جەتكىزۋ; - ءتول مادەنيەت پەن ونەرىمىزدىڭ جەتىستىكتەرىن الەمدىك دەڭگەيدە ىلگەرىلەتۋ ءۇشىن وتاندىق ونىمدەردى شىعارماشىلىق جانە تەحنولوگيالىق تۇرعىدا تاراتۋدىڭ ءتيىمدى جۇيەسىن قالىپتاستىرۋ.
بۇل ماقساتتا ىرىكتەلگەن 13 جالپىۇلتتىق ءىس-شارا مەن 5 ناقتى كورسەتكىشكە جەتۋ جوسپارلانعان, ونىڭ ىشىندە 250 جاڭا مادەني نىسان سالىنىپ, 1200 نىسان كۇردەلى جوندەۋدەن وتەتىن بولادى.
ء«ۇشىنشى باعىت «تاۋەلسىزدىك ۇرپاقتارى» دەپ اتالادى. ول – جاستاردىڭ رۋحاني كەمەلدەنىپ, كاسىبي ءوسىپ, قوعامدىق جەتىلۋىن كوزدەيتىن ءۇش اۋقىمدى مىندەتتى قامتيدى», دەپ ءتۇسىندىردى ۆەدومستۆو باسشىسى.
سونىمەن قاتار 2025 جىلعا دەيىن: - جاستاردىڭ بازالىق سۇرانىستارىن شەشۋ, ياعني, ساپالى جانە قولجەتىمدى ءبىلىم بەرۋ, جۇمىسقا ورنالاستىرۋ جانە تۇرعىن ۇيمەن قامتاماسىز ەتۋ; - جاستاردىڭ جان-جاقتى دامۋىنا قۇقىقتىق جاعدايلار جاساپ, رۋحاني-ادامگەرشىلىك جانە وتباسىلىق قۇندىلىقتارعا باۋلۋ; - جاستاردى قوعامدىق پايدالى ىستەرگە تارتىپ, باسەكەگە قابىلەتتى ادامي كاپيتالدىق رەسۋرسىن ۇلعايتۋ ءۇشىن جاڭا مۇمكىندىكتەر اشۋ.
بۇل باعىتتا ۇزىن سانى ماسشتابتى 15 جالپىۇلتتىق ءىس-شارا مەن 8 ناقتى كورسەتكىشكە جەتۋ جوسپارلانعان, ونىڭ ىشىندە NEET ساناتىنداعى جاستارمەن جۇمىسقا ەرەكشە كوڭىل بولىنەدى. «ۇلتتىق جوبا تۇتاستاي قوعامدىق سانانى جاڭعىرتۋ اياسىندا ستراتەگيالىق مىندەتتەردى شەشۋدە بىرقاتار جالپىۇلتتىق يدەولوگيالىق ماسەلەلەرگە لايىقتى جاۋاپ بەرەتىن قۇجات دەپ ەسەپتەيمىز», دەدى ايدا بالاەۆا.
