پەتروپاۆلداعى «بەرەكە» ىقشاماۋدانىندا قامىستىڭ ورتەنگەنى تۋرالى العاشقى بەينەجازبالار الدىمەن الەۋمەتتىك جەلىدە پايدا بولدى. جازبانى تاراتقان تۇرعىنداردىڭ ايتۋىنشا, وسى اۋداندا باتپاقتا وسكەن قامىس جىلدا ورتەنەدى. ول ورتەنگەن سايىن جاقىن ماڭداعى جەكە ءۇي تۇرعىندارىنىڭ زارە-قۇتى قالمايدى ەكەن.
بۇل جولى دا قالالىقتار ءورتتىڭ ۇيگە تيمەۋىن قاداعالاپ, ءورت سوندىرۋشىلەردىڭ جولىن توسقان. سولتۇستىك قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتى ورتكە قاتىستى مالىمەت بەردى. مامانداردىڭ ايتۋىنشا, بۇگىن ساعات 13.12 مينۋت كەتكەندە «101» نومىرىنە پەتروپاۆلداعى «بەرەكە» شاعىناۋدانىندا قامىستىڭ جانىپ جاتقاندىعى جايىندا حابارلاما تۇسكەن. ساعات 13:14 مينۋت كەتكەندە وقيعا ورنىنا العاشقى ءورت ءسوندىرۋ بولىمشەلەرى كەلىپ, قىزىل جالىنمەن كۇرەستى باستادى.
قازىرگى ۋاقىتتا ءورت شامامەن 1 گا اۋماققا جايىلعان. ول جەردە پەتروپاۆلدىڭ 3 ءورت ءسوندىرۋ بولىمشەسىنىڭ 6 تەحنيكاسى مەن جەكە قۇرامنان 20 ادام جۇمىس ىستەپ جاتىر. جاقىن ماڭداعى ۇيلەرگە قاۋىپ جوق.
