تۇركىستان وبلىسى پد جپق تابيعاتتى قورعاۋ ينسپەكتورلارى ارىس اۋدانى اۋماعىندا براكونەرلىكتىڭ كەزەكتى دەرەگىن انىقتادى. ياعني جۇرگىزىلگەن جەدەل-پروفيلاكتيكالىق ءىس-شارالار بارىسىندا جيدەلى اۋىلىنىڭ ماڭىندا جابايى اڭداردى زاڭسىز اۋلاعان كۇدىكتىلەردى ۇستادى. ولار بۇعان دەيىن ۇرلىق جاساعانى ءۇشىن سوتتالعان ارىس اۋدانىنىڭ ەكى تۇرعىنى بولىپ شىقتى. انىقتاي كەلە, كۇدىكتىلەردىڭ كەشكى ساعات 22:20-دا جايىلىمداردىڭ بىرىندە قىزىل كىتابىنا ەنگىزىلگەن جابايى قويان مەن قاراقۇيرىقتى اتىپ ولتىرگەنى بەلگىلى بولدى.
تەكسەرۋ كەزىندە پوليتسەيلەر كۇدىكتىلەردەن اۋلانعان جانۋارلاردىڭ ەتىن (ۇشاسىن), سونداي-اق تىركەلمەگەن 16 كاليبرلى اڭشى مىلتىعى مەن ءبىر دانا جارىقشام تاركىلەدى. براكونەرلەر اۋداندىق پوليتسيا بولىمىنە تولىق ءمانجايدى ودان ءارى تەكسەرۋ ءۇشىن جەتكىزىلدى.
بۇل جايت ارىس اپب-دە قك 337-بابى 4-بولىگى (زاڭسىز اڭ اۋلاۋ) بويىنشا سدتبت-عا تىركەلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
