ۆەدومستۆونىڭ مالىمەتىنشە, دۋجنوۆ 2003 جىلدان 2012 جىلعا دەيىن 6 ەلدە بولعان.
«اتاپ ايتقاندا, ازامات يگور دۋجنوۆ تايلاندقا (2003, 2004, 2007 جانە 2008 جىلدارى), رەسەيگە (2004, 2006, 2007 جانە 2009 جىلدارى), قىتايعا (2006, 2007 جانە 2012 جىلدارى), سوندا-اق تۇركياعا (2005 جىلى) جانە نيدەرلاندىعا (2005 جىلى) باردى», دەپ حابارلادى ۇقك ءباسپاسوز قىزمەتى.
سونىمەن قاتار ۇقك مالىمەتتەرى بويىنشا, ول 2008 جىلدىڭ قىركۇيەگىندە ۋكراينادا دا بولعان. الايدا قانداي ماقساتپەن بارعاندىعى كورسەتىلمەگەن.
ەسكە سالايىق, وقيعا 20 قىركۇيەكتە كەشكە بولعان, شامامەن ساعات 17.20 شاماسىندا اقبۇلاق مولتەك اۋدانىنداعى ءۇي يەسىنىڭ ءبىرى اڭشى مىلتىعىنان وق اتقان. كۋاگەرلەردىڭ ايتۋىنشا, اتىس ءبىر مينۋت ىشىندە بولعان.
الماتىلىق اتقىش بەس ادامدى ءولتىردى. قازا بولعاندار اراسىندا ەكى پوليتسيا قىزمەتكەرى, سوت ورىنداۋشىسى, سونداي-اق ۇيدىڭ جاڭا يەسى مەن كۋاگەر بار.
