ايماق باسشىسى پەداگوگتەردى قۇتتىقتاپ, ءومىرىن ءبىلىم مەن تاربيەگە ارناعان ۇستازدار قىزمەتىنىڭ قاشان دا قۇرمەتتى ەكەندىگىن اتاپ ءوتتى.
– ۋاقىت ءسات سايىن قاي سالاعا دا جاڭالىق ەنگىزىپ وتىراتىنى بەلگىلى, سىزدەر جاڭا تەحنولوگيالارعا بايلانىستى وزگەرىستەرگە تەز بەيىمدەلىپ, ونى ءبىلىم بەرۋدە ءساتتى جۇزەگە اسىرا الدىڭىزدار. الەمدى شارپىعان پاندەميانىڭ توسىن تالاپتارى دا سالا وكىلدەرىنىڭ ءبىلىم, بىلىگىن از سىناعان جوق. وسىنداي قيىندىقتارعا مويىماي, جاڭا عاسىردىڭ زەردەلى ۇرپاعىن تاربيەلەۋ جولىندا تالماي ەڭبەك ەتىپ جۇرگەن بارشاڭىزعا العىسىمدى بىلدىرەمىن.
ءبىلىم سالاسى – مەملەكەتتىك ساياساتتىڭ باسىم باعىتتارىنىڭ ءبىرى. وسىدان دا جىل سايىن پەداگوگتەردى قولداۋ اياسى ارتىپ كەلەدى. بيىل بۇل سالاعا وبلىس بيۋدجەتىنىڭ 45 پايىزى, ياعني 171 ملرد تەڭگەدەن اسا قارجى قارالىپ وتىر. ەل پرەزيدەنتى قاسىم-جومارت توقاەۆ بيىلعى جولداۋىندا سالا قىزمەتكەرلەرىنىڭ جالاقىسىن جىل سايىن كوتەرۋدى تاپسىردى. پرەزيدەنت تاپسىرماسىن ورىنداۋ ماقساتىندا 2021 جىلى وبلىسقا رەسپۋبليكالىق بيۋدجەتتەن 32 ملرد تەڭگە ءبولىندى, – دەدى وبلىس باسشىسى.
وسىدان كەيىن گۇلشارا ناۋشاقىزى ۇستازدارعا ءتۇرلى دەڭگەيدەگى ماراپاتتار تابىستادى. «ى.التىنسارين» توسبەلگىسىمەن قارماقشى اۋدانى, بايقوڭىر قالاسى, №277 مەكتەپ-ليتسەيىنىڭ باستاۋىش سىنىپ مۇعالىمى اقزيا بايتورەەۆا, قىزىلوردا قالاسىنداعى №176 ورتا مەكتەپ ديرەكتورى, قازاق ءتىلى مەن ادەبيەتى ءپانىنىڭ مۇعالىمى قادىركۇل شايماعانبەتوۆا, ORDA SCHOOL مەكتەبىنىڭ جەتەكشىسى راۋاش اليەۆا, م.مامەتوۆا اتىنداعى قىزىلوردا پەداگوگيكالىق جوعارى كوللەدجى ماتەماتيكا ءپانىنىڭ مۇعالىمى عازيزا سۋحانبەردينا جانە دارىندى بالالارعا ارنالعان №10 وبلىستىق ء«بىلىم-يننوۆاتسيا» ليتسەي-ينتەرناتىنىڭ قازاق ءتىلى مەن ادەبيەتى ءپانىنىڭ مۇعالىمى ناعيشا ەسبوسىن ماراپاتتالدى.
ءوزىنىڭ ۋاقىتىن اياماعان, وزگەنىڭ باقىتىن ايالاعاندار اراسىنان 11 مۇعالىمگە «قىزىلوردا وبلىسىنىڭ ءبىلىم بەرۋ سالاسىن دامىتۋداعى ەڭبەگى ءۇشىن جەرگىلىكتى ەرەكشەلىك بەلگىسى» تابىستالدى.
وبلىستا وتكەن جىلدان باستاپ كونكۋرستىق نەگىزدە سالا ۇزدىكتەرىنە 300 ايلىق ەسەپتىك كورسەتكىش مولشەرىندە قارجىلاي سىياقى بەرىلىپ كەلەدى. بيىل دا 10 ۇستاز «ۇزدىك پەداگوگ-2021» وبلىستىق بايقاۋىنىڭ جەڭىمپازى اتانىپ, 875 مىڭ تەڭگە يەلەندى.
قىزىلوردا
