قوعام • 06 قازان، 2021

سولتۇستىكتەن شىققان روبينزون

105 رەت كورسەتىلدى

ايدىڭ-كۇننىڭ امانىندا تايىنشا اۋدانىنىڭ دميتريەۆكا اۋىلىنىڭ 31 جاستاعى تۇرعىنى جوعالىپ كەتكەن. پوليتسياعا ۇلىن تاۋىپ بەرۋدى ءوتىنىپ شاعىنعان اناسى جىگىتتىڭ 29 قىركۇيەكتە ۇيىنەن ءوزىنىڭ ماشيناسىنا ءمىنىپ كەتىپ، سودان بەرگى ءۇش كۇندە ورالماعانىن ايتقان. بۇل ارادا جىگىتتىڭ نە سەبەپتى ۇيىنەن كەتىپ قالعانى ايتىلمايدى. بىراق ونىڭ اشۋمەن كەتكەنى انىق. ويتكەنى اشۋمەن كەتپەگەن ادام اناسىنا ءجونىن ايتسا نەمەسە ءۇش كۇننەن بەرى ءبىر حابارىن بەرسە كەرەك ەدى.

كريمينالدىق پوليتسيا باس­قارماسى ىزدەۋ جۇمىس­تا­رىنا تايىنشا، ەسىل، قىزىل­جار، سون­داي-اق وبلىستىق پولي­تسيا اپ­پاراتىنىڭ قىز­مەت­­كەرلەرىن تارتادى. بارلىق پوليتسيا بو­لى­نىستەرىنە باعدارلار جى­بە­رى­لىپ، ەرىكتىلەر مەن قوعام­دىق بىر­لەستىكتەردىڭ وكىلدەرى الەۋ­مەت­تىك جەلىلەردە ءىز-ءتۇسسىز جو­عالعان ادام­نىڭ سۋرەتتەرى مەن بەل­گىلەرى بار جازبالار ورنالاس­تى­رادى.

ىزدەگەن جانداردىڭ ءبارىنىڭ ويىندا جوعالعان ادامنىڭ ءولى-ءتىرىسىن ءبىلۋ عانا بولعان. اقى­رى... الدىمەن جوعالعاننىڭ كو­لىگى تابىلادى. جەرگىلىكتى تۇر­عىن­داردىڭ ءبىرى پوليتسياعا توران­عۇل مەن يۆەرسك اۋىلدارىنىڭ ارا­سىنداعى قارا جولدا قاراۋسىز قالعان «ۆاز» اۆتوكولىگىن كور­گەنىن ايتادى. ەسكى كولىكتىڭ شاماسى يەسىن وسى جەرگە دەيىن اكەلۋگە عانا جەتسە كەرەك.

سودان كەيىن وسى توڭىرەكتەگى بارلىق ورمان مەن ەگىس دالاسى تۇگەل سۇزىلگەن. وعان قىز­مەتتىك-ىزدەستىرۋ يتتەرى، سونداي-اق كۆادروكوپتەر ۇشۋ اپپاراتى دا تار­تىلعان. ناتي­جەسىندە، جىگىت قالىڭ ورماننىڭ ىشىندە 29 قىر­كۇيەكتەن 2 قازانعا دەيىن الاسا جەركەپە تۇرعىزىپ الىپ، تۇنەپ جۇرگەنى بەلگىلى بولادى. ونىڭ دەنساۋلىعىنا زيان كەلمەگەن، الايدا پسيحولوگيالىق اۋىتقۋشىلىعى بارى كورىنىپ تۇرعان. وسى كۇندەرى ول تەك المامەن قورەكتەنگەنىن ايتقان. ءسويتىپ، ءححى عاسىردىڭ روبينزونى امان تابىلىپ، تۋىستارىنا قاي­تارىلدى. قازىر ونىڭ ۇيدەن كەتۋ سەبەپتەرى انىقتالۋدا.

جىل باسىنان بەرى سولتۇستىكتە وسىنداي بولماسا دا باسقا سەبەپتەرمەن حابار-وشارسىز كەتكەندەر تۋرالى ايتىلعان 323 ءوتىنىش تۇسكەن. جوعالعان جانداردىڭ 318-ءى بۇگىنگە دەيىن تابىلعان.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار