ەندى جەردى ونەركاسىپتىك, تۇرمىستىق نەمەسە وزگە دە شىعارىندىلارمەن نەمەسە قالدىقتارمەن لاستاعانى, سول سياقتى ساقتاۋ, پايدالانۋ, تاسىمالداۋ نەمەسە كومۋ كەزىندە پەستيتسيدتەرمەن, ۋلى حيميكاتتارمەن, تىڭايتقىشتارمەن, وسىمدىكتەردىڭ ءوسۋ ستيمۋلياتورلارىمەن نەمەسە وزگە دە قاۋىپتى حيميالىق, راديواكتيۆتى نەمەسە بيولوگيالىق زاتتارمەن جۇمىس ىستەۋ قاعيدالارىن بۇزۋ سالدارىنان جەردى شارۋاشىلىق نەمەسە وزگە دە قىزمەتتىڭ زياندى ونىمدەرىمەن ۋلاندىرعانى, لاستاعانى نەمەسە وزگە دە بۇلدىرگەنى ءۇشىن, ەگەر بۇل ارەكەتتەر ءىرى ەكولوگيالىق زالال كەلتىرۋگە اكەپ سوقسا نەمەسە اكەپ سوعۋى مۇمكىن بولسا نەمەسە ادامنىڭ دەنساۋلىعىنا زيان كەلتىرسە, بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان بەس جىلعا دەيىنگى مەرزىمگە ايىرا وتىرىپ نەمەسە ونسىز, ءۇش جىلدان ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلەدى.
جەر قويناۋىن ءوز بەتىنشە پايدالانۋ, سول سياقتى پايدالى قازبالاردى ءوز بەتىنشە ءوندىرۋ, ەگەر بۇل ءىس-ارەكەتتەر ەلەۋلى زالال كەلتىرسە, 3000 اەك-كە دەيىن ايىپپۇل نە تۇزەۋ جۇمىستارى نە 800 ساعاتقا دەيىنگى مەرزىمگە قوعامدىق جۇمىستارعا تارتۋ نە ءۇش جىلعا دەيىنگى مەرزىمگە باس بوستاندىعىن شەكتەۋ شارالارى قولدانىلادى.
ۇسىنىلعان تۇزەتۋلەردىڭ تولىق ءماتىنىن «اشىق نقا» سايتىنان كورۋگە بولادى, وندا ول 21 قازانعا دەيىن جاريا تالقىلاۋ ءۇشىن ورنالاستىرىلعان.