باق-تىڭ حابارلاۋىنشا, بازىل جاقىپوۆ ۇزاق ۋاقىتتان بەرى اۋىرىپ جاتقان.
ونىڭ سوڭعى جۇمىس ورىندارىنىڭ ءبىرى «توبىل «اكك» اق بولدى. 2019 جىلدىڭ قىركۇيەگىندە باسقارما توراعاسى بولىپ تاعايىندالدى, بىراق 2020 جىلدىڭ ناۋرىزىندا دەنساۋلىعىنا بايلانىستى كورپوراتسيادان كەتتى.
بازىل جاقىپوۆ 1965 جىلى 5 قاڭتاردا اقمولا وبلىسى جاقسى اۋدانى تەرىساقان اۋىلىندا دۇنيەگە كەلگەن.
تسەلينوگراد اۋىل شارۋاشىلىعى ينستيتۋتىنىڭ اگرونوميا فاكۋلتەتىن (1991) عالىم-اگرونوم ماماندىعى بويىنشا, الماتى ەكونوميكا جانە ستاتيستيكا ينستيتۋتىنىڭ ەكونوميكا جانە قارجى فاكۋلتەتىن (2006) قارجىگەر ماماندىعى بويىنشا بىتىرگەن.
2012 جىلدىڭ اقپان ايىنان باستاپ قوستاناي وبلىسى اكىمىنىڭ ورىنباسارى قىزمەتىن اتقاردى. اۋىل شارۋاشىلىعى, جەر قاتىناستارى, تابيعي رەسۋرستار جانە تابيعات پايدالانۋدى رەتتەۋ, جەرگىلىكتى اۋقىمداعى توتەنشە جاعدايلاردىڭ الدىن الۋ جانە ولاردى جويۋ, ازاماتتىق قورعانىس ماسەلەلەرىنە جەتەكشىلىك ەتتى.
2015 جىلدىڭ قىركۇيەگىنەن 2019 جىلدىڭ اقپانىنا دەيىن قوستاناي قالاسىنىڭ اكىمى قىزمەتىن اتقاردى.
