«ايقىن» اقيقاتقا اينالدى

ەلباسى جولداۋىندا كاسىپكەرلىككە قاشاندا قولداۋ ءبىلدىرۋ كەرەكتىگىن باسا ايتىپ كەلەدى. وسىعان وراي, «ايقىن» جوباسىنىڭ جۇزەگە اسقانىنا كوپ ۋاقىت وتە قويماسا دا, ونىڭ ومىرشەڭدىگى ايقىندالا باستادى. بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارناۋلى ەسەپكە الۋ جونىندەگى كوميتەتىندە وسى ۆەدومستۆونىڭ باسشىسى ساۋلە مۇحامەديانقىزى وتكىزگەن بريفينگتە ايتىلدى. سونىمەن قاتار, وندا ۆەدومستۆو باسشىسى اتالعان جوبانىڭ كەلەسى كەزەڭىنىڭ دە ەنگىزىلگەنى تۋرالى اقپاراتتى جاريا ەتتى. «ايقىن» جوباسىنىڭ ەرەكشەلىگى سوندا, ازاماتتار مەن ۇيىمدار ينتەرنەت ارقىلى ءوز وتىنىشتەرىنىڭ قارالۋ بارىسىن قاداعالاپ وتىرا الادى. ماسەلەن, ولار قۇجاتتىڭ جىلجۋىمەن جانە ول جونىندە قابىلدانعان شەشىممەن قاتار قارالۋ مەرزىمىنىڭ بۇزىلۋ دەرەكتەرىن بىلە الادى. بۇدان بۇرىن دا حابارلا­عا­نى­مىزداي, مۇنداي مۇمكىنشىلىككە العاش رەت كوكشەتاۋ قالاسىنىڭ تۇر­عىندارى يە بولعان ەدى. جۇرت­شىلىق ءۇشىن ءتيىمدى ەكەندىگىنە كوز جەت­كەن سوڭ بۇل جوبا بىرتىندەپ جۇزە­گە اسىرىلا باستادى. مىسالى, 2012 جىلدىڭ شىلدەسىنەن باس­تاپ «ايقىن» جوباسى استانا قالا­سىن­دا ورنالاسقان ورتالىق مەملەكەتتىك ورگاندارعا ەنگىزىلسە, 2013 جىلدىڭ ءساۋىر ايىنان باستاپ استانا, ال­ماتى جانە وبلىستىق دەڭگەيدەگى اكىم­دىكتەرگە بەرىلگەن وتىنىشتەر ءۇشىن جۇمىس ىستەي باستادى. ەندى ۇستىمىزدەگى جىلدىڭ 1 قاڭ­­تارىنان باستاپ جوبا قالالىق اكىم­دىكتەر مەن وبلىستىق ءماسلي­حاتتارعا جانە وبلىستىق دەڭگەيدەگى مەملەكەتتىك ورگاندارعا ەنگىزىلدى. جوبا ەنگىزىلگەن وسى وتكەن 1 اي ىشىندە عانا وبلىستىق دەڭگەيدەگى مەملەكەتتىك ورگاندار دەربەس نومىرلەرى بار 30 مىڭنان استام تالون بەرگەن ەكەن. جوبانىڭ جۇمىس تەتىگى وتە قا­راپايىم. مەملەكەتتىك ورگان­دارعا ءوز قولىمەن ءوتىنىش تاپسىرعان ارىز بەرۋشى ونى قابىلداعان كەڭسە قىزمەتكەرىنەن دەربەس 18 تاڭبالى ءنومىرى بار تالون الادى. ودان كەيىن وسى ءنومىر ارقىلى مىناداي امالدارمەن وتىنىشتەرىنىڭ قارالۋ بارىسى جانە ناتيجەسى تۋرالى اقپارات الا الادى: -8 800-080-7777 (ستانتسيالىق). 1414 (ۇيالى) نومىرلەرىنە حابارلاسىپ جانە وپەراتورعا تالون ءنومىرىن ايتىپ; 1012-گە تالون نومىرىمەن سمس-حابارلاما جىبەرىپ (بارلىق بايلانىس وپەراتورىنا 15 تەڭگەدەن); باس پروكۋراتۋرا قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ http//seryise.pravstat.kz سايتىنا كىرىپ, «مەملەكەتتىك ورگاندارعا ءوتى­نىش­تەر» ءبولىمىن اشىپ, تالون ءنو­مىرىن تاڭدايدى. ەگەر جوعارى­دا اتالعان ءتارتىپ بۇزىلعان جاع­دايدا, باس پروكۋراتۋرانىڭ Call-ور­تالىعىنا 115 ءنومىرى ارقىلى حا­بارلاسۋعا بولادى. ال كوميتەت پەن ونىڭ اۋماقتىق ورگاندارى قاداعالاۋشى رەتىندە مەملەكەتتىك ورگاندارعا بەرىلگەن وتىنىشتەردىڭ قارالۋ مەرزىمىنە تۇراقتى تۇردە مونيتورينگ جاساپ وتىرادى. مىسالى, وسىنداي مونيتورينگ ناتيجەسىندە 2013 جىلى مەم­لە­كەت­تىك ورگانداردا 13 556 ءوتىنىشتى قاراۋ مەرزىمىنىڭ بۇزىلعانى انىق­تالىپ, ولار بويىنشا 550 پرو­كۋرورلىق قاداعالاۋ اكتىسى ەنگىزىلىپ, ناتيجەسىندە 860 ادام, ونىڭ ىشىندە وتىنىشتەردى قاراۋ ءتارتىبىن بۇزۋ بويىنشا جۇرگىزىلگەن مونيتورينگ ناتيجەلەرى بويىنشا 590 ادام, ولاردىڭ ىشىندە 3-ءى سىبايلاس جەمقورلىق ءۇشىن, 25-ءى اكىمشىلىك جازاعا تارتىلدى. ءسويتىپ, بۇل جو­با ەنگىزىلگەننەن بەرى تۇسكەن ءوتىنىش­تەردى قاراعان مەملەكەتتىك قىزمەت­كەر­لەردىڭ ءتارتىبى دە ەداۋىر جاقساردى. ماسەلەن, وبلىس اكىمدىكتەرى اپپاراتتارى مەن ونىڭ قۇرىلىمدىق بولىمشەلەرىندە مەرزىمى كەشەۋىلدەپ قارالعان وتىنىشتەر 48 پايىزعا, ال قايتالاما وتىنىشتەر سانى 47 پايىزعا تومەندەگەن. الداعى 2015 جىلدىڭ 1 قاڭتارىنان باستاپ بۇل جوباعا قالالىق جانە اۋداندىق بۋىنداعى مەملەكەتتىك ورگاندار قوسىلاتىن بولادى. ازاماتتاردىڭ ءوز وتىنىشتەرىن كوبىنە پوشتا ارقىلى جىبەرۋىنە بايلانىستى بۇگىنگى كۇنى «قازپوشتا» اكتسيونەرلىك قوعامىمەن ءوز حاتىن تاپسىرىس بويىنشا جىبەرگەن ازامات­تارعا تالون بەرۋ جايى كەلىسى­لۋدە. جالپى, «ايقىن» جوبا­سى­نىڭ ەنگىزىلۋى سىبايلاس جەمقور­لىقتى جويۋعا ىقپال ەتىپ قانا قوي­ماي, ونداي ارەكەتتەردىڭ العى شارت­تارى­نىڭ دا الدىن الىپ, ازاماتتاردىڭ كونستيتۋتسيالىق قۇقىقتارىن ناقتى قورعاۋدى قامتاماسىز ەتەدى دەيدى. الەكساندر تاسبولاتوۆ, «ەگەمەن قازاقستان».