فۋميو كيسيدا ەلدىڭ جاڭا, ءجۇزىنشى پرەمەر-ءمينيسترى لاۋازىمىنا سايلاندى. داۋىس بەرۋ تىكەلەي ەفيردە كورسەتىلدى. ونىڭ قورىتىندىسى بويىنشا كيسيدا 458 داۋىستىڭ 311-ءىن جينادى, دەپ حابارلادى باسىلىم.
بۇگىنگى كۇنى مينيسترلەر كابينەتىنىڭ جاڭا قۇرامى جاريالانادى. دەمالىس كۇندەرى كيسيدا مينيسترلىك لاۋازىمدارعا بارلىق كانديداتتاردى انىقتادى. ۇكىمەتتىڭ 20 مۇشەسىنىڭ 13-ءى ءبىرىنشى رەت مينيستر اتانباق.
«پرەمەر-مينيستر پارتيالار ۇسىنعان كانديداتتاردىڭ كوپشىلىك داۋىسىمەن تاڭدالادى. ءار ساياسي قوزعالىس ءوز كانديداتۋراسىن ۇسىنادى. بيلەۋشى پارتيانىڭ مانداتتارىنىڭ جارتىسىنان كوبى بولعاندىقتان, كيسيدانىڭ سايلانۋى بولجالدى», - دەلىنگەن حابارلامادا.
بۇگىنگى كۇنى مينيسترلەر كابينەتىنىڭ جاڭا قۇرامى جاريالانادى. دەمالىس كۇندەرى كيسيدا مينيسترلىك لاۋازىمدارعا بارلىق كانديداتتاردى انىقتادى. ۇكىمەتتىڭ 20 مۇشەسىنىڭ 13-ءى ءبىرىنشى رەت مينيستر بولادى. جاسى ەڭ ۇلكەن دەبيۋتانت 77-دە بولسا, ەڭ جاس مينيستر 44 جاستا.
ۇكىمەتتىڭ باس حاتشىسى حيروكاز ماتسۋنو بولادى. ۇكىمەتتىڭ بۇرىنعى قۇرامىنان جاڭا كابينەتكە ءۇش ادام وتەدى: سىرتقى ىستەر ءمينيسترى توسيميتسۋ موتەگي جانە قورعانىس ءمينيسترى نوبۋو كيسي, عىلىم جانە ءبىلىم مينيسترلىگىن باسقارعان كويتي حاگيۋدا ەكونوميكا, ساۋدا جانە ونەركاسىپ ءمينيسترى بولادى.
كيسيدا سايلانعاننان كەيىن پارلامەنتتىڭ تومەنگى پالاتاسىن 31 قازاندا سايلاۋ وتكىزۋ ءۇشىن ونىڭ وكىلەتتىك مەرزىمىنىڭ اياقتالۋىنا بايلانىستى تاراتۋعا نيەتتى ەكەنىن ايتتى.
