ىزدەستىرۋ جۇمىستارىنا 500-دەن اسا ادام تارتىلدى, ولاردىڭ ىشىندە جامبىل وبلىسى پوليتسيا دەپارتامەنتىنىڭ, تج دەپارتامەنتىنىڭ قىزمەتكەرلەرى, قر ۇلتتىق ۇلانىنىڭ 5513 جانە «وڭتۇستىك» وڭىرلىك قولباسشىلىعىنىڭ 91678 اسكەري ءبولىمىنىڭ اسكەري قىزمەتشىلەرى, «ورمانشىلار» ازاماتتىق پەرسونالىنىڭ وكىلدەرى جانە تۋىستارى بار. ولار ءۇش توپقا ءبولىندى.
جوعالعان اسكەريدىڭ اعاسى مارات داۋىتباەۆ تا ىزدەستىرۋگە بەلسەنە قاتىسۋدا.
ء«بىرىنشى ىزدەستىرۋ توبىمەن بىرگە جاقىن ماڭداعى ەلدى مەكەندەردىڭ اۋماقتارىن اۋەدەن شولىپ شىقتىق. وكىنىشكە قاراي, ىزدەۋ شارالارى ناتيجە بەرمەدى. بىراق ءبىز ءۇمىت ۇزبەيمىز جانە اعامىزدى تابامىز دەگەن سەنىمدەمىز», دەدى ول.
كىشى سەرجانت باۋىرجان داۋىتباەۆ 26 تامىزدا كەشكە تاراز ماڭىندا اسكەري بولىمدەگى قويما جارىلىسى كەزىندە جوعالىپ كەتتى. ول قازا تاپقانداردىڭ قاتارىندا جوق, توتەنشە جاعداي ورنىندا اسكەري قىزمەتشىنىڭ ءمايىتى تابىلمادى. داۋىتباەۆ - ءالى تابىلماعان جالعىز ادام.
