بەلگىلى كاسىپكەر ۆيتالي كاركۋلانى ولتىرگەن كىم؟

باتىس قازاقستان وبلىسىندا بەلگىلى كاسىپكەر بولعان ۆيتالي كاركۋلانىڭ ولىمىنە قاتىستى ەكى كۇدىكتى ۇستالدى. بۇل تۋرالى «ۋرالسكايا نەدەليا» گازەتى جازدى. قۇقىق قورعاۋ قىزمەتكەرلەرى قولعا تۇسكەن كۇدىكتىلەرگە تەرگەۋ قورىتىندىسىنا سايكەس, شەشىم شىعارۋدى ۇيعاردى. ءدال قازىرگى ۋاقىتتا ولار ۋاقىتشا وقشاۋلاعىشتا وتىر. سونىمەن, تەرگەۋ ءىسى اياقتالعانشا, كاسىپكەردىڭ ولىمىنە قاتىستى اقپارات جاريا ەتىلمەيدى. بەلگىلىسى, قولعا تۇسكەن كۇدىكتىلەر پەرەمەتنوە اۋىلىنىڭ تۇرعىندارى ەكەن. ەستەرىڭىزدە بولسا, وسى جىلدىڭ 12 قاڭتارىندا كاسىپكەر ۆيتالي كاركۋلانىڭ وتباسىنا بەلگىسىز بىرەۋلەر تۇتقيىلدان شابۋىل جاساپ, كاسىپكەردى باسىنان اتىپ ولتىرگەن ەدى. ال سول كەزدە ونىڭ ايەلى اۋىر جاراقاتپەن جانساقتاۋ بولىمىنە ءتۇستى. جەرگىلىكتى دارىگەرلەردىڭ ايتۋى بويىنشا, قازىر كاسىپكەر جۇبايىنىڭ جاعدايى جاقسى كورىنەدى. كەزىندە ۆ. كاركۋلا باسقارعان «كاركۋلا»  شارۋا قوجالىعى باتىس قازاقستان وبلىسىنداعى ەڭ ءىرى شارۋاشىلىقتاردىڭ  بىرىنەن سانالدى. وسى ورايدا, «اۋىل شارۋاشىلىعىن قارجىلىق قولداۋ قورىنىڭ» مالىمەتىنە جۇگىنسەك, «كاركۋلا» شارۋا قوجالىعىنا تيەسىلى ءسۇت زاۋىتى ايران, قايماق, ماي, قۇرت جانە ىرىمشىك سەكىلدى 15 ءتۇرلى ءسۇت ونىمدەرىن شىعارعان. ءامىرحان الماعانبەتوۆ. دەرەككوز: «ۋرالسكايا نەدەليا» گازەتى. فوتو: «ۋرالسكايا نەدەليا» گازەتى.