الەم • 01 قازان، 2021

گرۋزياعا ورالعان سااكاشۆيلي قاماۋعا الىندى

219 رەت كورسەتىلدى

گرۋزيانىڭ بۇرىنعى باسشىسى ميحايل سااكاشۆيلي ۇستالدى، بۇل تۋرالى ەل پرەمەر-ءمينيسترى يراكلي گاريباشۆيلي مالىمدەدى، دەپ حابارلايدى Egemen.kz ريا نوۆوستيگە سىلتەمە جاساپ.

«گرۋزيانىڭ ءۇشىنشى پرەزيدەنتى ميحايل سااكاشۆيلي ۇستالدى، ول پەنيتەنتسيارلىق مەكەمەگە اۋىستىرىلدى»، دەدى يراكلي گاريباشۆيلي.

ول ەكس-پرەزيدەنتتى ۇستاۋ وپەراتسياسى كەزىندە ءتارتىپ ساقشىلارى «جوعارى دەڭگەيدە» جۇمىس ىستەگەنىن اتاپ ءوتتى. گاريباشۆيليدىڭ ايتۋىنشا، سااكاشۆيليدىڭ ارەكەتتەرى «ۋكراينادان گرۋزياعا دەيىن» باقىلانىپ وتىرعان.

 

بۇعان دەيىن سااكاشۆيلي الەۋمەتتىك جەلىلەردەگى پاراقشالارىنا بەينەحابارلاما جاريالاپ، باتۋميگە كەلگەنىن مالىمدەدى. گرۋزيادا وعان قاتىستى قىلمىستىق ءىس قوزعالىپ، ىزدەۋ جاريالاندى. ەلدىڭ ىشكى ىستەر مينيسترلىگى سااكاشۆيليدىڭ مەملەكەتتىك شەكارادان وتپەگەنىن حابارلادى.

ميحايل سااكاشۆيلي 2013 جىلى ەلدەن كەتىپ، سودان بەرى ەلىنە ورالمادى.

سااكاشۆيلي گرۋزياعا 2 قازاندا، جەرگىلىكتى ءوزىن-ءوزى باسقارۋ ورگاندارىنا سايلاۋ باستالعان كەزدە كەلۋدى جوسپارلاپ وتىرعانىن ايتقان.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار