جارىسقا قاتىسۋشى 12 كوماندا التى-التىدان ەكى توپقا ءبولىندى. قۇرامىندا جانسايا ابدىمالىك, دينارا سادۋاقاسوۆا, مەرۋەرت كامەلەدينوۆا جانە گۇلميرا داۋلەتوۆا سىندى سۇلۋلارى بار قازاقستاندىقتار گەرمانيا (2,5:1,5) جانە امەريكادان (2,5:1,5) باسىم تۇسكەنىمەن, ۋكرايناعا (1,5:2,5) ەسە جىبەردى. ءتۋرنيردىڭ باستى فاۆوريتتەرىنىڭ ءبىرى – گرۋزيامەن (2:2) تەڭ وينادىق. سوڭعى كەزدەسۋدە قازاقستاندىقتار پولشامەن كەزدەسىپ, كوزدەگەن ناتيجەسىنە قول جەتكىزە الدى. 7 ۇپايدى ولجالاعان جەرلەستەرىمىز ۆ توبىندا ءۇشىنشى ورىندى يەلەندى. الدىمىزدا – گرۋزيا (8 ۇپاي) مەن ۋكراينا (7 ۇپاي). امەريكا ەلدەرىنىڭ قۇراماسى (3 ۇپاي) ءتورتىنشى ساتىعا تابان تىرەدى.
ال ا توبىندا رەسەي وزدى. ولار 100 پايىزدىق ناتيجە كورسەتتى. ودان كەيىنگى ورىنداردى ءۇندىستان (7 ۇپاي), ارمەنيا (5 ۇپاي) مەن ءازىربايجان (4 ۇپاي) ەنشىلەدى.
شيرەك فينالدا ۇندىستانمەن شەبەرلىك بايقاستىق. العاشقى كەزدەسۋدە تەڭ ەسەپ (2:2) تىركەلگەنىمەن, ەكىنشى ماتچتا جەرلەستەرىمىز (1,5: 2,5) جەڭىلىس تاۋىپ, جارىستى اياقتادى.
