جاقىندا نيۋ-يوركتە بۇۇ قىزمەتىمەن تانىستىرۋ جونىندەگى كوميتەت «ءبىلىم بەرۋ ارقىلى قاۋىپسىزدىكتى قولداۋ» تاقىرىبىندا كونفەرەنتسيا ۇيىمداستىردى. كونفەرەنتسيا جۇمىسىنا 700-دەن استام بەلسەندىلەر, وقىتۋشىلار مەن ستۋدەنتتەر قاتىستى.
قازاقستاننىڭ بۇۇ جانىنداعى تۇراقتى وكىلى ءىس-شاراعا قاتىسۋشىلاردىڭ نازارىنا الەم جۇرتشىلىعى تاراپىنان قولداۋ تاپقان ەلباسى ن.ءا.نازارباەۆتىڭ اتوم جوباسى باستاماسىن ۇسىندى. دەلەگاتتار قازاقستانداعى كەڭەستىك يادرولىق سىناقتاردىڭ قايعىلى تاريحىمەن, يادرولىق قارۋسىزدانۋ ۇردىسىنە ەلىمىزدىڭ قوسقان ۇلەسىمەن, سونداي-اق, تاراتپاۋ رەجىمىن كۇشەيتۋگە جانە جاھاندىق يادرولىق قارۋسىزدانۋ سالاسىنداعى ەلەۋلى پروگرەسكە جەتۋگە باعىتتالعان دايەكتى قادامدارىمىزبەن تانىستى.
ءىس-شارانى ۇيىمداستىرۋشىلاردىڭ ءبىرى, نيۋ-دجەرسي ۋنيۆەرسيتەتىنىڭ پروفەسسورى رۋف نيلسەننىڭ ايتۋىنشا, «اتوم جوباسى يادرولىق قارۋ سىناقتارىن توقتاتۋعا, يادرولىق قارۋسىزدانۋ, عالامدىق يادرولىق ارسەنالدار, يادرولىق قارۋ ساياساتى تۋرالى كەڭىنەن حاباردار ەتۋگە مۇمكىندىك بەرەتىن ماڭىزى زور جوبا بولىپ تابىلادى».
كونفەرەنتسيا بارىسىندا قاتىسۋشىلار الەم ۇكىمەتتەرىنە ارنالعان يادرولىق سىناقتارعا جاپپاي تىيىم سالۋ تۋرالى شارتتىڭ كۇشىنە ەنۋىنە قول جەتكىزۋ جانە يادرولىق قارۋدان ازات الەمگە جەتۋگە باعىتتالعان جاڭا ماڭىزدى قادام جاساۋ ۇندەۋىن بەكىتكەن اتوم جوباسىنىڭ ونلاين-پەتيتسياسىنا قول قويدى.
«ەگەمەن-اقپارات».
