زەينەتكەرلەرگە بىرجولعى الەۋمەتتىك كومەك قازاقستان رەسپۋبليكاسىنىڭ كونستيتۋتسيا كۇنىنە وراي دا بەرىلدى. جاسى بويىنشا ەڭ تومەنگى زەينەتاقى الۋشىلارعا, ياعني 10 722 زەينەتكەرگە 78 ملن 195 مىڭ تەڭگە مولشەرىندە اقشا تولەندى.
ال 9 مامىر – جەڭىس كۇنىنە وراي 4072 ادامعا جالپى سوماسى 201 ملن 947 مىڭ تەڭگە كولەمىندە الەۋمەتتىك كومەك بەرىلدى.
بۇدان بولەك, 205 زەينەتكەرگە قىستا كومىر ساتىپ الۋ ءۇشىن 9 ملن 516 مىڭ تەڭگە كولەمىندە قارجىلاي كومەك كورسەتىلدى.
تۇرعىن ءۇيدى گازداندىرۋ بويىنشا گازداندىرۋعا جاتاتىن جەرگىلىكتى جەكە تۇرعىن ۇيدە تۇراتىن, جەكەمەنشىك يەسىنىڭ وتباسى مۇشەلەرى بولىپ سانالاتىن زەينەتكەرلەرگە, مۇگەدەكتىگى بار تۇلعالارعا, مۇگەدەك بالالارعا, كوپبالالى انالارعا جانە 83 زەينەتكەرگە بىرجولعى كومەك بەرىلدى, مولشەرى – 262 530 تەڭگە (جالپى 21 ملن 790 مىڭ تگ).
بيىل 2156 زەينەتكەرلەر قاتاركول شيپاجايىندا ەم الدى. ولارعا جاسىنا بايلانىستى 65-75% جەڭىلدىكپەن جولداما بەرىلدى.
ۇلى وتان سوعىسىنىڭ قاتىسۋشىلارى مەن مۇگەدەكتەرىنە مونشاعا, شاشتارازعا, مادەني, ويىن-ساۋىق جانە سپورتتىق شارالارعا بارۋ ءۇشىن 21 ادامعا 474 مىڭ تەڭگە كولەمىندە الەۋمەتتىك كومەك كورسەتىلدى.
ۇلى وتان سوعىسىنىڭ قاتىسۋشىلارى مەن مۇگەدەكتەرىنە كوممۋنالدىق قىزمەتتەردى تولەۋ جونىندەگى الەۋمەتتىك كومەكپەن 21 ادام قامتىلدى.
ءتىس ەمدەۋ جانە پروتەز سالۋ الەۋمەتتىك كومەگىمەن جىل باسىنان بەرى 1140 زەينەتكەر قامتىلدى.
قازىرگى ۋاقىتتا «نۇر-سۇلتان قالاسى اكىمدىگىنىڭ «شاراپات» الەۋمەتتىك قىزمەت كورسەتۋ ورتالىعى 480 ادامعا ۇيىنە بارىپ قىزمەت كورسەتەدى. ونىڭ 426-سى – جالعىز تۇراتىن قارت, 54 ادام – 1 جانە 2 توپ مۇگەدەكتەرى. ال مەكەمەنىڭ وزىندە 182 قاريا تۇرىپ جاتىر.
جاھاندانۋ داۋىرىندە كوپتەگەن قىزمەت ءتۇرى تسيفرلى جۇيەگە اۋىسىپ جاتقانى بەلگىلى. سول سەبەپتى اعا بۋىن وكىلدەرىن تسيفرلىق ساۋاتتىلىق بويىنشا وقىتۋ («بىزبەن بىرگە» ۇەۇ, سىعاناق كوشەسى, 29, 1509 كابينەت, 87775733591) ۇيىمداستىرىلادى, تيىسىنشە قارت ادامدارعا قولداۋ («قازاقستان جاستار فراكتسياسى» قق, كەنەسارى كوشەسى, 8 ءۇي, 12-قابات, 1712 -كابينەت, 8 775 571 33 28) كورسەتىلەدى.
ايتا كەتەيىك, ەلوردادا قارتتار كۇنىن مەرەكەلەۋ اياسىندا 20 قىركۇيەكتەن بەرى ارداگەرلەر فلەشموبى, زەينەتكەرلەر اراسىندا شاحمات پەن دويبىدان تۋرنير سىندى ءىس-شارالار وتكىزىلدى. «ەسىل» اۋدانىندا ۇيلەردى ارالاپ, زەينەتكەرلەر مەن مۇگەدەكتەردى مەديتسينالىق تەكسەرۋدەن وتكىزۋ ۇيىمداستىرىلىپ جاتىر. سونداي-اق, جالعىزباستى زەينەتكەرلەر مەن ارداگەرلەرگە ارنالعان 40 ازىق-ت ۇلىك سەبەتى تاراتىلدى. ال ءبىلىم بەرۋ مەكەمەلەرى قاريالاردى قۇتتىقتاپ, قۇرمەت كورسەتۋدە.
سول سياقتى قالادا ۆولونتەرلاردىڭ قاتىسۋىمەن قارتتار كۇنىنە وراي كونتسەرتتىك باعدارلامالار, قوعامدىق ورىنداردا گۇلدەر تاراتۋ, قارتتار ۇيىندە سەنبىلىك, زەينەتكەرلەرگە ەكسكۋرسيا وتكىزۋ سىندى شارالار 3 قازانعا دەيىن جالعاسادى.
قارتتار كۇنىنە وراي وتەتىن ءىس-شارالار سانيتارلىق نورمالاردى تولىقتاي ساقتاي وتىرىپ وتەدى.
