قوعام • 01 قازان، 2021

بۇگىن – حالىقارالىق قارتتار كۇنى

269 رەت كورسەتىلدى

1 قازان كۇنى ەلىمىزدە قارتتار كۇنى اتالىپ وتىلۋدە، دەپ حابارلايدى Egemen.kz.

حالىقارالىق قارتتار كۇنى - 1990 جىلى 14 جەلتوقساندا بۇۇ باس اسسامبلەياسىندا بەكىتىلىپ، جاريالاندى.

بۇل مەرەكە ەلىمىزدە جىل سايىن اتالىپ وتىلەدى. جانە ونىڭ اياسىندا قارتتارعا قۇرمەت كورسەتىلىپ، ءتۇرلى فورماتتاعى ءىس-شارالار ۇيىمداستىرىلادى.

اتاپ ايتقاندا، قارتتارعا قۇرمەت كورسەتۋ اكتسيالارى، مەملەكەت تاراپىنان بىرجولعى قارجىلاي كومەك، سونداي-اق، ازىق-ت ۇلىك سەبەتى، شيپاجايلارعا جولداما جانە تاعى باسقا. سول سەكىلدى، ەگدە جاستاعى جاندارعا ارنالىپ مەرەكەلىك كونتسەرت تە ۇيىمداستىرىلادى.

ودان بولەك، قارتتارعا ارنالعان اۋقىمدى شارانىڭ ءبىرى «بەلسەندى ۇزاق ءومىر» ۇلتتىق جوباسى.

قر ەڭبەك جانە حالىقتى الەۋمەتتىك قورعاۋ مينيسترلىگى بىلتىر قولعا العان جوبا اياسىندا ەلىمىزدىڭ بارلىق وڭىرلەرىندە بەلسەندى ۇزاق ءومىر ءسۇرۋ ورتالىقتارىن اشۋ جوسپارلانعان. جوسپارعا ساي وندا ەگدە جاستاعى جاندار بوس ۋاقىتىن وتكىزە الادى. اتالعان ورتالىقتا اعىلشىن ءتىلىن ۇيرەنۋ، كومپيۋتەرلىك ساۋاتتىلىق كۋرستارىنان ءوتۋ، ەمدىك دەنە شىنىقتىرۋ، بي جانە تاعى باسقا شارالاردى وتكىزۋ قاراستىرىلعان.

ەڭبەك جانە حالىقتى الەۋمەتتىك قورعاۋ مينيسترلىگى بەرگەن ستاتيستيكاعا سۇيەنسەك، بۇگىندە ەلىمىزدە 2 ملن 236 مىڭ قارت جان (زەينەت جاسىنداعى) بار. ايتا كەتەيىك، اتالعان مەرەكە قارساڭىندا بيىل ەلوردادا 84 867 زەينەتكەرگە الەۋمەتتىك كومەك كورسەتىلەتىنى حابارلاندى.

قالا اكىمدىگى ۇسىنعان مالىمەتكە سايكەس، قارجىلاي كومەكتەن بولەك، ۆولونتەرلەردىڭ قاتىسۋىمەن قارتتار كۇنىنە وراي كونتسەرتتىك باعدارلامالار، قوعامدىق ورىنداردا گۇلدەر تاراتۋ، قارتتار ۇيىندە سەنبىلىك جانە زەينەتكەرلەرگە ەكسكۋرسيا وتكىزۋ جوسپارلانىپ وتىر. جانە اتالعان ءىس-شارالار 3 قازانعا دەيىن جالعاسادى. سونىمەن قاتار، ەلوردا اكىمدىگى قارتتار كۇنىنە وراي وتەتىن بارلىق ءىس-شارالاردا سانيتارلىق تالاپتاردىڭ تولىقتاي ساقتالاتىنىن جەتكىزدى.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار