مالايزيا تاراپىنىڭ قىزىعۋشىلىعى

مالايزيانىڭ قۇرىلىس يندۋسترياسىن دامىتۋ جونىندەگى كەڭەسىنىڭ باس ديرەكتورى داتو سري دجۋددين ابدۋل كاريمنىڭ باسشىلىعىمەن مالايزيالىق دەلەگاتسيا جۇمىس ساپارىمەن (CIDB) قازاقستاندا بولدى. مالايزيانىڭ قۇرىلىس يندۋسترياسىن دامىتۋ جونىندەگى كەڭەس دەلەگاتسياسى (CIDB) قۇرىلىس سالاسىن رەتتەيتىن جانە مالايزيالىق قۇرىلىس كومپانيالارىنىڭ شەتەل جوبالارىنا قاتىسۋى ماسەلەلەرى بويىنشا كەلىسسوزدەر جۇرگىزۋگە وكىلەتتى ماڭىزدى مەملەكەتتىك ورگان بولىپ تابىلادى. مالايزيا دەلەگاتسياسىنىڭ قۇرامىنا «CIDBHoldingsSdnBhd» كەڭەسىنىڭ «Kazariah­EnergyLLP» قازاقستاندىق-مالايزيالىق كاسىپ­ورىنمەن بىرلەسكەن كومپانيا باسشىلارى جانە مالايزيانىڭ قازاقستانداعى ەلشىلىگىنىڭ قىزمەتكەرلەرى كىردى. ساپار اياسىندا مالايزيا دەلەگاتسياسىنىڭ قازاقستان سىرتقى ىستەر ءمينيسترىنىڭ ءبىرىنشى ورىنباسارى – ەكسپو-2017 حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆپەن جانە «استانا ەكسپو-2017» ۇك» اق باسقارما توراعاسى تالعات ەرمەگياەۆپەن كەزدەسۋى ءوتتى. اڭگىمە بارىسىندا سوڭعى كەزدەگى قازاقستان مەن مالايزيا اراسىنداعى ەكىجاقتى قاتىناستاردىڭ دامۋ قارقىنى اتاپ ءوتىلدى. ر.جوشىباەۆ قازاقستاندىق-مالايزيالىق دوستىق بايلانىستاردىڭ دامۋ ديناميكاسىن اتاپ وتە وتىرىپ, ەكسپو-2017 كورمەسىن وتكى­زۋدە استانانىڭ كانديداتۋراسىنا قول­داۋ كورسەتكەندەرى ءۇشىن العىس ايتتى جانە مالايزيالىق كومپانيالار كورمەگە دايىن­دىق شەڭبەرىندە جاڭا تەحنولوگيالار مەن يننو­ۆاتسيالىق شەشىمدەر سالاسىنداعى جەتىس­تىكتەردى لايىقتى كورسەتە الاتىندارىنا سەنىمىن ءبىلدىردى. ت.ەرمەگياەۆ ۇلتتىق كومپانيا الدىندا تۇرعان مىندەتتەر مەن كورمەنى وتكىزۋ بويىنشا دايىندىق جۇمىستارى تۋرالى ايتىپ بەردى. ول, سونداي-اق, كومپانيا يننوۆاتسيالار مەن جاڭا تەحنولوگيالاردى ەنگىزۋ جوبالارىن ىسكە اسىرۋ ءۇشىن ارىپتەستەر تارتۋ جونىندەگى ماسەلەلەرگە ۇلكەن ءمان بەرەتىنىن ايتىپ ءوتتى. اتاپ ايتقاندا, قازىردەن Samsung, HP جانە ت.ب. وسىنداي كومپانيالارمەن كەلىسسوزدەر جۇرگىزىلىپ جاتىر. قازاقستاندىق تاراپ جەل قوندىرعىلارىن ەنگىزۋ ماسەلەلەرىنە نازار اۋداردى: كورمەنىڭ باس پاۆيلونى اۋماعىندا بىرنەشە قوندىرعى سالۋ جانە قازاقستاننىڭ استاناسىنان الىس ەمەس جەردە وسىنداي تاعى 100-دەن اسا قوندىرعى ورناتۋ جوسپارلانۋدا. د.كاريم ءوز كەزەگىندە بۇل سالادا ۇلكەن تاجىريبەسى بولعاندىقتان, ونىڭ ەلى جەل ەنەرگياسىن پايدالانۋ بويىنشا قوندىرعىلاردى سالۋدا بەلسەندى اتسالىسۋعا دايىن ەكەنىن جەتكىزدى. بۇدان بولەك, مالايزيالىق تاراپ تۋريس­تەرگە ساپالى قىزمەت كورسەتۋدە ماڭىزدى ءرول اتقاراتىن, استانا ءۇشىن ەكولوگيالىق تازا تەحنولوگيالاردى پايدالانۋ مەن كولىك ينفراقۇرىلىمىن دامىتۋعا قاتىستى جوبالار­عا مۇددەلىلىك تانىتتى. ساپار شەڭبەرىندە مالايزيالىق دەلە­گاتسيانىڭ پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆپەن, وڭىرلىك دامۋ ءمينيسترى بولات جامىشەۆپەن, استانا قالاسىنىڭ اكىمى يمانعالي تاسماعامبەتوۆپەن, يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى بەيبىت اتامقۇلوۆپەن, قارجى مينيسترلىگىنىڭ جاۋاپتى حاتشىسى ناتاليا كورجوۆامەن, «KAZNEX INVEST» ەكسپورت جانە ينۆەستيتسيا جونىندەگى ۇلتتىق اگەنتتىگى» اق باسقارماسىنىڭ توراعا ورىنباسارى قايرات قارمانوۆپەن جانە باسقا دا ىسكەر توپ وكىلدەرىمەن كەزدەسۋلەرى ءوتتى. مالايزيالىق دەلەگاتسيا ساپارى باعدار­لاما­سىنىڭ ماڭىزدى بولىگى «KAZNEX IN­VEST» ەيۇا» اق پەن «CIDBHoldingsSdn.Bhd.» كەڭەسىنىڭ ينۆەستيتسيالىق بولىمشەسى ارا­­سىندا اقپارات الماسۋ سالاسىنداعى ءوزارا تۇسىنىستىك تۋرالى مەموراندۋمعا قول قويۋ بولدى. «ەگەمەن-اقپارات».