سەنىم گراموتاسىن تاپسىردى

بەلگراد قالاسىندا «سەربيا» رەسپۋبليكالىق سارايىندا قازاقستان رەسپۋبليكاسىنىڭ ماجارستانداعى توتەنشە جانە وكىلەتتى ەلشىسى جانە سەربيا رەسپۋبليكاسىندا ەلشىلىك مىندەتتى قوسا اتقارۋشى نۇرباح رۇستەموۆ سەربيا رەسپۋبليكاسىنىڭ پرەزيدەنتى توميسلاۆ نيكوليچكە سەنىم گراموتاسىن تاپسىردى, دەپ حابارلادى قر ءسىم-ءنىڭ ءباسپاسوز قىزمەتى. رەسمي سالتاناتتان كەيىن بولعان سۇحباتتا سەربيا پرەزي­دەنتى قازاقستاندىق ديپلوماتتى تاعايىنداۋىمەن قۇتتىقتاي وتىرىپ, كاسىبي ديپلوماتيالىق سالادا تابىستار تىلەدى. بۇل رەتتە, ول ساياسي ۇنقاتىسۋدىڭ دوس­تىق سيپاتتىلىعىن ەرەكشە اتاپ, قازاقستان مەن سەر­بيا اراسىنداعى ەكىجاقتى قارىم-قاتىناستاردىڭ جاي-كۇيىنە جوعارى باعا بەردى. سەربيا باسشىسى قازاقستان رەسپۋبليكاسىنىڭ پرەزيدەنتى ن.نازارباەۆقا ىزگى تىلەكتەرىن جولداپ, ەلباسىن بەلگرادقا رەسمي ساپارمەن كەلۋگە شا­قىردى. ن.رۇستەموۆ, ءوز كەزە­گىن­­­­دە, قازاقستاننىڭ سەر­بيا رەسپۋب­ليكاسىمەن كونس­ترۋك­­تيۆتى جانە ءوزارا ءتيىم­دى ىنتىماقتاستىقتى جال­عاس­تى­­رۋعا, ساۋدا-ەكونوميكا­لىق, ينۆەس­تيتسيالىق, ءما­­­دە­­­ني-گۋما­نيتارلىق ءوزارا ءىس-قيمىلدى جانداندىرۋعا دايىن ەكەنىن جەتكىزدى. سۇحبات بارىسىندا, حالىق­ارالىق پروبلەماتيكانىڭ نەگىز­گى اسپەكتىلەرى بويىنشا ەكى ەل ۇستانىمدارىنىڭ ۇقساستىعى ايتىلدى. سەربيا 2010 جىل­عى قازاقستاننىڭ ەقىۇ-عا توراعالىعىن, سونداي-اق, ەلىمىز­دىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە كانديداتۋراسىن قولداۋى بەرىك دوستىقتىڭ ناقتى دالەلى بولىپ تابىلادى.