فوتو: pexels.com
«قازاقستان مەن رەسەيدە باي جانە بىرەگەي وسىمدىكتەر مەن جانۋارلار الەمى بار. بۇل رەتتە ەكى ەلدىڭ قىزىل كىتابىنا ەنگىزىلگەن كاسپي يتبالىقتارىنىڭ پوپۋلياتسياسى ازايۋىنا بايلانىستى وتكىر ماسەلە تۋىندايدى. پوپۋلياتسيانى ساقتاپ قالۋ ءۇشىن شۇعىل شارالار قاجەت. سولتۇستىك كاسپيدە مەملەكەتتىك رەزەرۆات قۇرۋ مۇمكىندىگىن قاراۋدى ۇسىنامىز», دەدى توقاەۆ.
مەملەكەت باسشىسى ەكى ەلدە سيرەك كەزدەسەتىن تاعى ءبىر بىرەگەي جانۋار تۋرالى ايتتى.
«بۇل مامونت داۋىرىندە ءومىر سۇرگەن بىرەگەي جانۋار. كيىكتەردىڭ پوپۋلياتسياسىن قورعاۋ بويىنشا قابىلدانعان شارالاردىڭ ارقاسىندا ولاردىڭ سانى ەداۋىر وسكەن. مەنىڭ جارلىعىممەن قازاقستاندا كيىك اتۋعا تىيىم سالدىق. سونىمەن قاتار اۋىل شارۋاشىلىعىنىڭ كەڭەيۋىنە بايلانىستى ولاردىڭ تىرشىلىك ەتۋ ورتاسىنىڭ قىسقارۋى بايقالادى. بۇل كيىكتەر مەن اۋىلشارۋاشىلىق جانۋارلار سۋاتى مەن جايىلىمداردىڭ جەتىسپەۋشىلىگىنە اكەلىپ سوعادى. كيىكتەردىڭ قونىس اۋدارۋ ەرەكشەلىگىن ەسكەرە وتىرىپ, كيىكتەردىڭ ماۋسىمدىق قوزعالىسى كەزىندە ەكى ەل اراسىنداعى شەكارادان ەركىن ءوتۋىن قامتاماسىز ەتۋ ۇشىن شەكارا قىزمەتىنە نۇسقاۋ بەرۋ ۇسىنىلادى», دەدى مەملەكەت باسشىسى.
