پارلامەنت • 30 قىركۇيەك، 2021

نۇرتورە ءجۇسىپ جۋرناليست مارتەبەسى تۋرالى زاڭ قابىلداۋدى ۇسىندى

قر پارلامەنت سەناتىنىڭ وتىرىسىندا دەپۋتات نۇرتورە ءجۇسىپ جۋرناليست مارتەبەسى تۋرالى ارنايى زاڭ قابىلداۋدى ۇسىنىپ، پرەمەر-ءمينيستردىڭ اتىنا دەپۋتاتتىق ساۋال جولدادى، دەپ حابارلايدى Egemen.kz.

گاۋھار قاپاش

«ەلىمىزدەگى باق تۋرالى زاڭدا جانە ەڭبەك كودەكسىندە جۋرناليستەردىڭ مارتەبەسى مەن كەپىلدىكتەرى تۋرالى ەشقانداي باپ جوق. انىعىراق ايتساق، باق تۋرالى زاڭنىڭ 20-بابىنداعى 10 قۇقىعى مەن 21-بابىنداعى 5 مىندەتى عانا جازىلعان. ەڭبەك كودەكسىندە مارتەبە جونىندە ءبىر اۋىز ءسوز، ءتىپتى جۋرناليستەردىڭ ەڭبەك ەتۋ قۇقىقتارى دەگەن ءبولىم دە جوق»، دەدى دەپۋتات.

ونىڭ سوزىنە قاراعاندا، اقپاراتقا قولجەتىمدىلىك سالاسىندا جەكە رەتتەۋدى قاجەت ەتەتىن ماسەلەلەر بارشىلىق.

«كەيبىر شەنەۋنىكتەر توتەنشە جاعداي كەزدەرىندە جۋرناليستەردىڭ سۇراعىنا كاسىبي دەڭگەيدە جاۋاپ بەرۋگە دايىن بولماي جاتادى. كاسىبي قىزمەتىن اتقارىپ جۇرگەن تىلشىگە كەدەرگى كەلتىرۋ – حالىقتى مەملەكەتتىك اقپارات الۋ مۇمكىندىگىنەن ايىرۋ دەگەن ءسوز. كورشىمىز رەسەيدەگى جاعداي مۇلدە باسقاشا. جۋرناليستەردىڭ كاسىبي مىندەتىنە كەدەرگى كەلتىرگەندەر، جۋرناليستەرگە شابۋىل جاساعاندار 6 جىلعا دەيىن تۇرمەگە قامالاتىن ارنايى باپ تا ەنگىزىلگەن»، دەدى ول.

سونداي-اق، سەنات وكىلى ەلدىك پەن مەملەكەتتىلىك ىسىنە تىكەلەي قىزمەت ەتىپ وتىرعان جۋرناليستەرگە پوليتسيا وكىلدەرىنە جاسالعانداي جاعداي نەگە جاسالمايتىنىن سۇرادى.

«پاندەميا تۇسىندا 200-گە تارتا جۋرناليست پەن جازۋشى ومىردەن ءوتتى. اقش-تا جۋرناليستەردىڭ جالاقىسى جىلىنا 28 مىڭنان 75 مىڭ دوللارعا دەيىنگى ارالىقتا. ال بىزدە ءبىر جىلدا تاباتىنى – 3-4 مىڭ دوللار شاماسىندا عانا»، دەگەن سەناتور تۇركيا، ازەربايجان سياقتى ەلدەردىڭ دە بۇل ىستە بىزدەن كوش ىلگەرى كەتكەنىن اتادى.

«قۇرمەتتى اسقار ۇزاقباي ۇلى! وتاندىق ماسس-مەديا حالىق ۇنىنە قۇلاق اساتىن مەملەكەت تۇجىرىمداماسىنىڭ پارمەندى قۇرالى بولۋى ءتيىس. جۋرنالسيتەرگە سوت، پروكۋراتۋرا، ىشكى ىستەر، ادۆوكات، نوتاريۋس سياقتى ناقتى مارتەبە بەرەتىن كەز كەلدى. اقپارات سالاسىن دامىتۋدىڭ 2021-2025 جىلدارعا ارنالعان ۇلتتىق جوسپارىن جاڭادان جاساۋ قاجەت. باق-تىڭ ىقپالىنسىز قوعامدى دەموكراتيالاندىرۋ مۇمكىن ەمەس. سوندىقتان جۋرناليستەردى ارنايى الەۋمەتتىك مارتەبە ارقىلى قولداۋدى ۇسىنامىز. ول ءۇشىن جۋرناليست مارتەبەسى تۋرالى ارنايى زاڭ قابىلداۋ قاجەت دەپ ويلايمىن»، دەدى نۇرتورە ءجۇسىپ.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز