حالىقارالىق كۇرىششىلەر فورۋمى وتەدى

قىزىلوردا وبلىسىنىڭ اكىمى قىرىمبەك كوشەرباەۆتىڭ توراعالىق ەتۋىمەن ايماقتا كۇرىش كلاستەرىن دامىتۋ ماسەلەلەرى بويىنشا كەڭەس ءوتتى. كەڭەستە ءوڭىر باسشىسى بىلتىر وبلىستا اۋىلشارۋاشىلىق سالاسىندا وڭ ناتيجەلەر بولعانىن اتاپ ءوتتى. «باستى جەتىستىك – كۇرىشتىڭ رەكوردتىق ءونىمى – گەكتارىنا 49 تسەنتنەر. بۇل ءالى مۇمكىندىكتىڭ شەگى ەمەس, مىسالى, رەسەي فەدەراتسياسىنىڭ كراسنودار ولكەسىندە   ءونىم – گەكتارىنا  70 تسەنتنەردەن بولعان, – دەدى وبلىس اكىمى. وبلىستىق اۋىل شارۋاشىلىعى باسقارماسىنىڭ باسشىسى تالعات دۇيسەباەۆ وڭىردەگى كۇرىش سالاسىن دامىتۋ جانە الداعى ۋاقىتتىڭ جوسپارلارى جونىندە بايانداما جاسادى. تىڭايتقىش پەن تۇقىم ساتىپ الۋ, تەحنيكا مەن سەلەكتسيالىق جۇمىستاردى دايىنداۋ بارىسىنا نازار اۋدارىلدى. بۇگىندە «Agrotehnica Astana» ءاو استانالىق كومپانيا­سى قىزىلوردا وبلىسىنا كۇرىش ءوسىرۋدىڭ يتاليالىق تەحنولوگياسىن ەنگىزۋدى ۇسىنۋدا, بۇل ءونىم كورسەتكىشىنىڭ سانى مەن ساپاسىن ارتتىرۋعا مۇمكىندىك بەرەدى. «كۇرىش شارۋاشىلىعىنىڭ ى. جاقاەۆ اتىنداعى قازاق عزي» جشس باس ديرەكتورى سەرىكباي ومىرزاقوۆ باستى داقىلدىڭ ­سور­تىن جانە ونىمدىلىگىن جاق­سارتۋ بويىنشا اتقارىلىپ جات­قان شارالار تۋرالى حابارلاما ­جاسادى. كۇرىشتىڭ 50-دەن اسا ­سور­تى­ زەرتتەلدى, بۇدان باسقا ءدان جانە كۇرىش قاۋىزىن قايتا وڭدەۋ ءمۇم­كىندىگى قارالۋدا. سونىمەن قاتار, عزي باسشىسى جەرگىلىكتى عالىمداردىڭ كۇرىششىلەردىڭ تۇراقتى وتەتىن يرانداعى باتىس جانە ورتالىق ازيا حالىقارالىق فورۋمىنا  قاتىسقانى تۋرالى اقپارات بەردى. ونىڭ ايتۋىنشا, اعىمداعى جىلى وسى فورۋمدى «التىن كۇز» مەرەكەسى اياسىندا قىزىلوردادا وتكىزۋ جوسپارلانۋدا. كەڭەستى قورىتىندىلاعان قىرىمبەك كوشەرباەۆ بارلىق مۇددەلى تۇلعالارعا ەگىس ناۋقانىنا دايىندىقتى, سونداي-اق,  يتا­ليالىق  تەحنولوگيانى ەنگىزۋدى جانە كۇرىش وسىرۋشىلەردىڭ حالىقارالىق عىلىمي فورۋمىن ۇيىمداستىرۋدى  جۇكتەدى. سو­نىمەن قاتار, كوكتەمدە قى­زىل­وردا وبلىسىنىڭ دەلەگاتسياسى كراسنودارلىقتاردان تاجىريبە الماسۋعا باراتىندىقتارىن اتاپ ءوتتى. «قىزىلوردا وبلىسى رەس­پۋب­ليكالىق يندۋستريالىق-يننو­ۆاتسيالىق دامۋ رەيتينگى بويىنشا ورتاشا دەڭگەيدە, ال ءوسۋ قار­قىنى بويىنشا ەكىنشى ­ورىندا تۇر, بۇل سىر ەلىنىڭ ماڭىزدى جەتىستىكتەرگە قول جەتكىزۋگە ءمۇم­كىندىگى بار دەگەن ءسوز. سوندىقتان بىزگە دامۋ قارقىنىن تومەندەتۋگە بولمايدى», – دەدى, قىرىمبەك كوشەرباەۆ. ءالىمجان جارىلقاعانوۆ, جۋرناليست.