بۇل تۋرالى LS. باسىلىمى مالىمدەدى.
قازاقستاندا قاڭتار-تامىز ارالىعىندا 3 ملرد دانادان استام جۇمىرتقا ءوندىرىلدى. بۇل 2020 جىلدىڭ سايكەس كەزەڭىمەن سالىستىرعاندا 10 پايىزعا از. ەلىمىزدەگى ءار وتباسى ءۇش ايدا ورتا ەسەپپەن 49 جۇمىرتقا تۇتىنادى. سول ارالىقتا وعان 7 مىڭ تەڭگەگە جۋىق قاراجات جۇمسايدى.
جۇمىرتقانىڭ 10 داناسى ورتاشا ەسەپپەن 355 تەڭگەدەن ساۋدالانادى. بۇل وتكەن جىلمەن سالىستىرعاندا 21,5 پايىزعا كوپ.
وتاندىق ءونىم اۋعانستان (50,9 ملن دانا), رەسەي (10,7 ملن دانا), قىرعىزستان (2,8 ملن دانا), موڭعوليا (2,7 ملن دانا) ەلدەرىنە جىبەرىلەدى. وسىلايشا 2021 جىلدىڭ قاڭتار-تامىز ايلارى ارالىعىندا 33,3 ملن دانا جۇمىرتقا ەكسپورتتالدى.
دەگەنمەن, يمپورتتالاتىن جۇمىرتقا دا جوق ەمەس. ماسەلەن رەسەيدەن 84,5 ملن, ال بەلارۋستەن 9,2 ملن دانا جۇمىرتقا يمپورتتالادى.
