تاۋەلسىزدىكتىڭ 30 جىلدىعى • 30 قىركۇيەك، 2021

اقساي اسپانىنداعى الىپ تۋ

33 رەت كورسەتىلدى

ءبورلى اۋدانىنىڭ ورتالىعى اقساي قالاسىندا جەرگىلىكتى دەمەۋشىلەردىڭ كۇشىمەن الىپ تۋتۇ­عىر ورناتىلدى. ەندى ەلىمىزدىڭ كوك باي­راعى 50 مەتر بيىكتەن جەلبىرەپ تۇر.

قازاقستان رەسپۋبليكاسى تاۋەلسىزدىگىنىڭ 30 جىل­دىعى قارساڭىندا اشىلعان 50 مەترلىك تۋتۇ­عىردى ورناتۋ ءۇشىن جەرگىلىكتى كاسىپكەرلەر 60 ملن تەڭگە قاراجات جۇمساپتى. عۇبايدوللا جاڭگىروۆ اتىنداعى ساياباقتىڭ توبەسىنەن جەلبىرەيتىن الىپ تۋدىڭ كولەمى 8ح16 مەتر ەكەن.

– ۇلتىمىز ءۇشىن تاۋەلسىزدىك قانداي قىمبات بولسا، مەملەكەتتىك رامىزدەر دە ءبىز ءۇشىن سونداي قاستەرلى. ەلدىگىمىزدى تانىتۋ، ابىرويدى اسقاقتاتۋ – قاستەرلى قۇندىلىقتاردى قورعاي بىلۋمەن ولشەنبەك، – دەدى، تۋتۇعىردىڭ سالتاناتتى اشىلۋ راسىمىندە ءسوز سويلەگەن ءبورلى اۋدانىنىڭ اكىمى ميرجان ساتقانوۆ.

بەلگىلى اندە ايتىلعانداي، كوك تۋدىڭ جەلبىرەگەنى تالاي جاننىڭ جانىنا قۋات بەرەرى ءسوزسىز. كەڭەس زامانىندا ورىسقولداۋ كورىنەتىن ءبورلى اۋدانى سوڭعى جىلدارى ەرەكشە قازاقىلانىپ، كۇننەن-كۇنگە جاسارىپ كەلە جاتقانىن جەرگىلىكتى جۇرت تا، مەيماندار دا ءجيى ايتادى. ماسەلەن، بيىلعى «قالا كۇنى» مەيرامىندا شاھاردىڭ باستى مادەني شاراسى – «اقسايىم ارقاۋ جىرىما» تاقىرىبىندا وبلىستىق اقىندار ايتىسى بولدى. بەلگىلى اقىن، ايتىس جاناشىرى باۋىرجان حاليوللا ايتقانداي، اقساي قالاسى – باتىس قازاقستانداعى مادەنيەتتىڭ استاناسى دەۋگە بولاتىنداي دارەجەگە جەتىپتى.

سونىمەن، 14 ونەرپاز قاتىسقان وبلىستىق اقىن­دار ايتىسىنىڭ باس جۇلدەسىن بورلىلىك جار­قىنبەك شىنتاەۆ، ءبىرىنشى ورىندا اقجايىق اۋدانىنان كەلگەن بەكبولات قالەنوۆ جەڭىپ الدى. ەكىنشى-ءۇشىنشى ورىنداردى قاراتوبەلىك رايىمبەك وتەپوۆ پەن جاڭاقالالىق ورىنبەك مەڭدىقۇلوۆ ءبولىستى. بوكەي وردا اۋدانىنىڭ نامىسىن قورعاعان جانسايا مۋسينا – ءبورلى اۋدانىنىڭ اكىمى اتىنداعى ارنايى جۇلدەگە، اقجايىق اۋدانىنان كەلگەن سانات مۇحانبەتجانوۆ – ماراباي جىراۋ اتىنداعى ارنايى جۇلدەگە يە بولدى.

 

باتىس قازاقستان وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار