كەزدەسۋگە قاتىسۋشىلار ورتالىق ازيا ەلدەرىندەگى ەكونوميكالىق احۋالدى قالپىنا كەلتىرۋ جانە كەدەيلىكپەن كۇرەس سياقتى وزەكتى تاقىرىپتاردى تالقىلادى.
سەناتور ولگا بۋلاۆكينا ءوز سوزىندە قازاقستاندا جۇزەگە اسىرىلىپ جاتقان ازاماتتارعا جۇمىسقا ورنالاسۋ مۇمكىندىكتەرىن بەرۋ, جالاقىنىڭ وسۋىنە جاردەمدەسۋ جانە از قامتىلعان ازاماتتاردى الەۋمەتتىك قولداۋدى جەتىلدىرۋ ساياساتى تۋرالى ارىپتەستەرىن حاباردار ەتتى.
«مەملەكەت باسشىسىنىڭ تاپسىرماسىنا سايكەس اشىقتىق پەن اتاۋلىلىقتى كۇشەيتۋ ءۇشىن اتاۋلى الەۋمەتتىك كومەك تاعايىنداۋ تەتىكتەرىنە جەكە جاۋاپكەرشىلىكتى ارتتىرۋدى جانە كومەك الۋشىلاردى ەڭبەككە ىنتالاندىرۋدى كوزدەيتىن وزگەرىستەر ەنگىزىلدى», دەدى ولگا بۋلاۆكينا.
پارلامەنتشىلەر سونداي-اق ورتالىق ازيا ەلدەرىنىڭ كولىكتىك جانە ترانزيتتىك الەۋەتىن ىسكە اسىرۋدى ۇدەتۋدىڭ كەلەشەگىن تالقىلاپ, وڭىردەگى تىعىز ۇيلەستىرۋدىڭ ماڭىزدىلىعىن اتاپ ءوتتى. سەمينار بارىسىندا جۇك ءترانزيتىنىڭ ەركىندىگىن قامتاماسىز ەتۋ, كولىك دالىزدەرىن جاڭعىرتۋ جانە ءبىزدىڭ ەلدەرىمىزدىڭ شەكارالارى ارقىلى جۇك تاسىمالدارىن كەدەرگىسىز جۇرگىزۋ ءۇشىن جاعداي جاساۋ قاجەتتىگى اتاپ ءوتىلدى.
