ارنايى شاقىرىلعان قوناقتارعا قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى اينۇر جاراحمەتوۆا ۇلتتىق ورتالىقتىڭ تىنىس-تىرشىلىگى جايلى ماعلۇمات بەرسە, ۇلتتىق ورتالىقتىڭ كورمە جانە وقۋ زالىنداعى قولجازبالار جانە سيرەك كىتاپتاردان تۇراتىن قۇندى مۇرالار جايلى عىلىمي-زەرتتەۋ ءبولىمىنىڭ ساراپشىسى مۇحاممەديار اڭقاباەۆ, ال قايتا قالپىنا كەلتىرۋ عىلىمي زەرتحاناسىن رەستاۆراتور مامانى جانسەرىك بەيسەنقۇلوۆ تانىستىردى. سونىمەن قاتار ارنايى ۇيىمداستىرىلعان دوڭگەلەك ۇستەلدە ۇلى دالا تاريحىنا قاتىستى مۇرالاردى جان-جاقتى ناسيحاتتاۋ جانە ەل ىشىندەگى قولجازبالار, سيرەك كىتاپتار مەن كارتالاردى جيناقتاۋ, زەرتتەۋ, قالپىنا كەلتىرۋ ماسەلەلەرى تالقىلاندى.
وندا ل.گۋميلەۆ اتىنداعى ەۇۋ پروفەسسورى, قولجازبالار جانە سيرەك كىتاپتار ۇلتتىق ورتالىعىنىڭ عىلىمي كەڭەسشىسى زادا دۇكەنباەۆا اتالعان مەكەمەدەگى كەيبىر ماسەلەلەرگە ارنايى توقتالىپ ءوتتى.
«ۇلتتىق ورتالىق – ەل تاريحى مەن مادەنيەتى ءۇشىن ماڭىزى زور مەكەمە. سوندىقتان دا مەملەكەتتىك دەڭگەيدە قولداۋدى قاجەت ەتەدى», دەدى پارلامەنت ءماجىلىسىنىڭ دەپۋتاتى, «Miras» قوعامدىق كەڭەسىنىڭ توراعاسى جاناربەك ءاشىمجان.
سونىمەن قاتار حالىق قالاۋلىسى, ۇلتتىق ورتالىققا قاتىستى وزەكتى ماسەلەلەردى «Nur Otan» پارتياسىنىڭ «Miras» قوعامدىق كەڭەسى تاراپىنان قولداۋ بولاتىنان جەتكىزدى.
قر پرەزيدەنتى ءباسپاسوزى قىزمەتىنىڭ ساراپشىسى, اقىن ەربول الشىنباي ءوز كەزەگىندە ۇلتتىق ورتالىقتىڭ جۇمىسىنا زور قىزىعۋشىلىق تانىتىپ, ءوزىنىڭ شاعاتاي جازۋىنان (كونە تۇركى تىلىنەن) اۋدارعان قازاق سۇلتانى احمەت كەنەساريننىڭ «ناساب نامە سۇلتان سىدىق» اتتى ەڭبەگىن ۇلتتىق ورتالىق قورىنا سىيلادى.
سونداي-اق بەلگىلى تەلەجۋرناليست زەيىن الىپبەك ۇلتتىق ورتالىقتاعى قۇندى مۇرالاردى باق بەتتەرىندە جان-جاقتى ناسيحاتتاۋعا مۇرىندىق بولاتىنىن ايتسا, «تاريح پورتالى» سايتىنىڭ باس رەداكتورى التىنبەك قۇمىرزاق قولجازبالار جانە سيرەك كىتاپتار ۇلتتىق ورتالىعىمەن ەكى جاقتى كەلىسىم-شارت جاساۋ نەگىزىندە «تاريح پورتالى» سايتىندا ارنايى ايدار اشىپ تاريحي مۇرالاردى اقپاراتتىق قولداۋعا اتسالىساتىنىن جەتكىزدى.
