ساياحاتشىلار دۋبايداعى قوناقۇيلەرگە قوسىمشا سالىق تولەيدى

بيىلعى ناۋرىز ايىنىڭ سوڭىنان باستاپ دۋبايعا بارعان ساياحاتشىلار جەرگىلىكتى قوناقۇيلەردە وتكىزگەن ءار تۇنگە سالىق تولەيتىن بولادى. بۇل تۋرالى Utro.ru حابارلادى. ساياحاتشىلاردان قوسىمشا سالىق الۋدى شاھارداعى بارلىق قوناقۇيلەر ىسكە اسىرادى. ونىڭ قۇنى دەمالىس ورنىنىڭ ساپاسىنا قاراي شامامەن 250-800 تەڭگەنى قۇرايدى. قوسىمشا سالىقتى دۋباي اتقارۋشى كەڭەسىنىڭ توراعاسى, شەيح موحاممەد بين حامدان بەكىتكەن. «The National» جۋرنالى جازعانداي, بىرىككەن اراب امىرلىكتەرى بۇل سالىقتان تۇسكەن قارجىنى حالىقارالىق تۋريزم مەن ساۋدانى دامىتۋعا, سونداي-اق EXPO-2020 كورمەسىنە كەتەتىن شىعىندى وتەۋگە جۇمساماق. جاڭا سالىق دۋباي كاسىپكەرلەرىنىڭ نارازىلىعىن تۋعىزىپ ۇلگەردى. ولاردىڭ ايتۋىنشا, قوسىمشا تولەم ساياحاتشىلاردى جەرگىلىكتى دەمالىس ورىندارىندا از ۋاقىت بولۋىنا ماجبۇرلەيدى. دەگەنمەن, دۋباي بيلىگىن ساياحاتشىلار جونىندەگى ماسەلە الاڭداتپاسا كەرەك. الدىن-الا ەسەپ بويىنشا, حالىقارالىق كورمەنىڭ وتۋىنە دەيىن مۇنداعى قوناقۇيلەر سانىن ەكى ەسە ۇلعايتۋ كوزدەلىپ وتىر. ايدار ورىسباەۆ. دەرەككوز: Utro.ru. فوتو: Hipway.ru.