پاۆلوداردا ەكى جاسار ءسابي دارىگەر قاتەلىگىنەن كوز جۇمدى

پاۆلودار وبلىسىندا ەكى جاسار قىز بالا اسقازانىن شايعاننان كەيىن كوماعا ءتۇسىپ, ەسىن جيماستان قايتىس بولدى. بۇل تۋرالى «قازاقستان» تەلەارناسى حابارلادى. قىز بالانىڭ اناسى راسيما شەكەنوۆانىڭ ايتۋىنشا, بالاسىنىڭ جۇرەگى اينىپ, قۇسا باستاعان. سوسىن اۋىل فەلدشەرى كەلىپ, وعان جۇرەك اينۋىن باساتىن ءدارى سالعان كورىنەدى. ال ءبىر كۇننەن كەيىن قىز بالانىڭ جاعدايى ناشارلاپ, جەلەزى اۋداندىق اۋرۋحاناسىنا ءتۇسىپتى. ونداعى دارىگەرلەر ءسابيدىڭ اسقازانىڭ شايعانىمەن, ناتيجە بولمادى. كوپ ۇزاماي ەسىن جيماعان كۇيى كوز جۇمدى.  بۇعان قاتىستى اتا-انانىڭ جازىلعان ارىزىنا سايكەس, دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ وبلىستىق دەپارتامەنتى تەكسەرۋ جۇمىسىن باستاپ كەتتى. وسىنىڭ الدىندا بۇقارالىق اقپارات قۇرالدارى بەتىندە وسى وڭىردەگى تۋبەركۋلەزدەن ەمدەۋ شيپاجايىندا 3 جاسار مارك فرولوۆتىڭ قايتىس بولعانى تۋرالى جازىلعان بولاتىن. دەنساۋلىق ساقتاۋ مينيسترلىگى بەكىتكەن كوميسسيانىڭ قورىتىندىسىنا جۇگىنسەك, الگى شيپاجايدا ەم العان بالا دارىگەر جوق كەزدە ىشەك تازارتۋ كليزماسىن دۇرىس قويماعان مەدبيكەنىڭ كەسىرىنەن قايتىس بولعان. سول كەزدە بالا ولىمىنە كىنالى دارىگەرلەر راقىمشىلىقتىڭ  جاريالانۋىنا بايلانىستى جازاعا تارتىلماعان ەدى... ءامىرحان الماعانبەتوۆ. دەرەككوز: «قازاقستان» تەلەارناسى. فوتو: Moe – online.ru