كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى قر اقدم ءدىن ىستەرى جونىندەگى كوميتەتتىڭ قولداۋىمەن ونلاين-فورماتتا «بەيبىتشىلىك پەن كەلىسىم جولىنداعى دىنارالىق ديالوگ» اتتى دوڭگەلەك ۇستەل ۇيىمداستىردى.
دوڭگەلەك ۇستەلگە قر پرەزيدەنتى جانىنداعى قسزي, ءال-فارابي اتىنداعى قازۇۋ, ح.ا. ياساۋي اتىنداعى حقتۋ, اباي اتىنداعى قازۇپۋ, «نۇر-مۇباراك» يسلام مادەنيەتى ۋنيۆەرسيتەتى, ە. بوكەتوۆ اتىنداعى قارمۋ جەتەكشى عىلىمي قىزمەتكەرلەرى مەن وكىلدەرى قاتىستى.
ءىس-شارا ءدىن سالاسىنداعى مەملەكەتتىك ساياساتتىڭ نەگىزگى باعىتتارىن تۇسىندىرۋگە, سونداي-اق ەلباسىنىڭ نەگىزگى باستامالارىن, بىرەگەي حالىقارالىق الاڭ - الەمدىك جانە ءداستۇرلى ءدىن كوشباسشىلارىنىڭ سەزىن ىلگەرىلەتۋگە باعىتتالعان.
ن.نازارباەۆ ورتالىعىنىڭ باسقارما توراعاسى بولات سارسەنباەۆ وسى جىلدىڭ 5-6 قازانىندا الەمنىڭ 20 ەلىنەن: ءازىربايجان, ارمەنيا, ساك, ءباا, ءۇندىستان, پاكىستان, رەسەي, تۇركيا, يران, ۆاتيكان, ۇلىبريتانيا, يزرايل, مىسىر جانە تاعى دا باسقا حالىقارالىق ۇيىمدارى, ءدىني بىرلەستىكتەرى وكىلدەرىنىڭ قاتىسۋىمەن سەزد حاتشىلىعىنىڭ XIX وتىرىسى وتكىزىلەتىنى تۋرالى ايتتى.
قر اقدم ءدىن ىستەرى كوميتەتى توراعاسىنىڭ ورىنباسارى باۋىرجان باكىروۆ دوڭگەلەك ۇستەلگە قاتىسۋشىلاردى ءدىنتانۋشىلار مەن تەولوگتاردىڭ بىلىكتى ماماندارىن دايارلاۋ جانە قايتا دايارلاۋ جونىندەگى كوميتەتتىڭ جۇمىسىمەن تانىستىردى.
ەستەرىڭىزگە سالا كەتەيىك, ن.نازارباەۆ ورتالىعى ەلىمىزدىڭ جەتەكشى جوعارى وقۋ ورىندارىمەن ىنتىماقتاستىق تۋرالى مەموراندۋمدار اياسىندا جوبالار مەن ءىس-شارالاردى, سونىڭ ىشىندە تاقىرىپتىق تالدامالىق ماتەريالداردى جاريالاپ, بىرلەسكەن زەرتتەۋلەر, عىلىمي تاعىلىمدامالاردى تۇراقتى تۇردە جۇزەگە اسىرىپ كەلەدى.
