Nur Otan مەن قازاقستان جازۋشىلار وداعى « ۇلى دالا» بايقاۋىن وتكىزەدى

جيىندا پارتيا توراعاسىنىڭ ءبىرىنشى ورىنباسارى باۋىرجان بايبەك ەكى ۇيىمنىڭ مەملەكەتتىك جانە ۇلتتىق قۇندىلىقتاردى دا­رىپ­تەۋدە ماقساتتارىنىڭ توعى­سا­تىن تۇستارى كوپ ەكەنىن العا تار­تتى. ول ەكىجاقتى مەمو­ران­دۋم­عا قول قويىپ، ەلباسى قويعان مىن­دەتتەردى بىرلەسە جۇزەگە اسىرۋ جوس­­پارلانىپ وتىرعانىن جەت­كىز­دى.

«بيىل – ەلىمىز ءۇشىن اي­شىق­­تى جىل. وسى 30 جىل­دا ءبىز قازاقستاننىڭ تۇڭ­عىش پرەزيدەنتى – ەلباسى نۇر­سۇل­تان ءابىش ۇلى نازار­باەۆ­­­­تىڭ باسشىلىعىمەن مەملە­كەت­­­تى­لىگى­مىز­دىڭ ىرگەسىن بەكىتىپ، شە­كا­را­مىز­­دى شەگەندەدىك، ىشكى-سىرتقى دامۋداعى باستى باعىتتارىمىزدى ايقىندادىق. مەملەكەت باسشىسى قاسىم-جومارت كەمەل ۇلى توقاەۆتىڭ باسشىلىعىمەن ساياسي-ەكونوميكالىق رەفورمالار ودان ءارى جالعاسىپ جاتىر. ەلدىڭ دامۋى تۋرالى ايتقاندا، الەۋمەتتىك-ەكونوميكالىق كورسەتكىشتەر عانا ەمەس، رۋحانيات ماسەلەلەرى دە ۇدايى نازاردا بولۋعا ءتيىس. سەبەبى تاۋەلسىزدىكتىڭ باستى قۇن­دىلىقتارىن ەكشەيتىن، ونىڭ ءما­نىن وسكەلەڭ ۇرپاققا جەتكىزەتىن – ادەبيەت پەن ونەر وكىلدەرى»، – دەدى باۋىرجان بايبەك.

ونىڭ ايتۋىنشا، مەمو­ران­دۋم­عا قول قويۋداعى باستى ماقسات – ەلى­مىزدىڭ مادەنيەتىن دامىتۋ، ەلدىڭ ينتەللەكتۋالدىق ورەسىن كوتەرىپ، ەستەتيكالىق تالعامىن ۇشتاۋ، سونداي-اق قازىرگى زامانعى جازۋشىلار مەن اقىنداردىڭ شىعارماشىلىعىن ناسيحاتتاۋ ارقىلى قازاق ادەبيەتىنىڭ دا­مۋىن ىنتالاندىرۋعا باعىتتالعان بىر­لەس­كەن ءىس-شارالاردى جۇزەگە اسى­رۋ.

وسى ورايدا پارتيا توراعا­سى­­ن­ىڭ ءبىرىنشى ورىنباسارى جازۋ­شى­لار وداعىمەن بىرلەسە وتىرىپ، جاس جازۋشىلار مەن اقىندار اراسىندا وتەتىن بيىلعى « ۇلى دالا» بايقاۋىنىڭ ءمانى مەن ماز­مۇ­نىنا توقتالدى. بايقاۋدىڭ ماقساتى – تاۋەلسىزدىكتىڭ 30 جى­­­­لىندا ەلىمىزدىڭ جەتكەن جە­تىس­­­تىك­تەرىن، مەملەكەت ىرگەسىن بە­كى­تۋ­دەگى قازاقستاننىڭ تۇڭعىش پرە­زي­دەنتى – ەلباسى نۇرسۇلتان ءابىش ۇلى نازارباەۆتىڭ جاسامپاز ءرولىن ايشىقتاۋ جانە قوعامدى رۋحاني جاڭعىرتۋدىڭ يدەيالارى مەن قۇندىلىعىن كورسەتەتىن قازىرگى زامانعى قازاقستاندىق اۆ­تورلاردىڭ شىعارمالارىن قول­داۋ جانە ناسيحاتتاۋ.

بايقاۋ «پروزا»، «پوەزيا»، «دراماتۋرگيا»، «كوركەم فيلم مەن تەلەسەريال ستسەناريى»، «با­لا­لارعا ارنالعان شىعارما» اتتى بەس اتالىم بويىنشا وتكى­زى­لىپ، ارقايسىسى بويىنشا 3 جۇل­دە­لى ورىن انىقتالادى.

ءبىرىنشى ورىن (1 جۇلدە) ءۇشىن – 1 000 000 تەڭگە، ەكىنشى ورىنعا (1 جۇلدە) – 750 000 تەڭگە، ءۇشىنشى ورىنعا (1 جۇلدە) – 500 000 تەڭگە جۇلدە بەلگىلەنىپ وتىر.

بايقاۋعا 18-دەن 40 جاسقا دە­يىنگى اقىندار، جازۋشىلار، درا­ماتۋرگتەر مەن ستسەناريستەر قا­تىسا الادى.

ءوز كەزەگىندە قازاقستان جازۋ­شى­­لار وداعى باسقار­ما­سىنىڭ تو­راعاسى ۇلىقبەك ەسداۋلەت وسىن­داي بايقاۋلاردىڭ «جۇز­دەن­ جۇيرىك، مىڭنان تۇل­پار» تا­لانت­­­تاردىڭ ىرىكتە­لىپ، كوپشى­لى­ك­كە تانىلۋىنا سەپ­تە­سەتىنىن العا تارت­تى. ول ەل ىشىندەگى تا­لانت­تار­دىڭ تانىلۋىن ىنتالاندىرىپ، شىعارماشىلىققا، ونەرگە، ما­دە­نيەتكە ۇدايى قامقورلىق تانىتاتىن پارتيا باسشىلىعىنا جازۋشىلار قاۋىمىنىڭ اتىنان ريزاشىلىعىن ءبىلدىردى.

ال « ۇلى دالا» بايقاۋى كو­ميس­­سياسىنىڭ توراعاسى، بەلگىلى جا­ز­ۋشى الىبەك اسقاروۆ وسىنداي شىعارماشىلىق بايقاۋلاردىڭ ماڭىزىنا توقتالىپ، وعان تۇسكەن جۇزدەگەن شىعارمانىڭ اراسىنان ءبىر-ەكى ۇزدىك تۋىندى انىقتالىپ جاتسا، ونىڭ ءوزى رۋحانياتىمىز ءۇشىن ۇلكەن جەتىستىك سانالاتىنىن ايتتى.

سودان كەيىن ءسوز العان پارلا­مەنت ءماجىلىسىنىڭ دەپۋتاتى، Nur Otan پارتياسى جانىنداعى رەس­پۋب­ليكالىق Miras قوعام­دىق كەڭەسىنىڭ توراعاسى، اقىن جاناربەك ءاشىمجان پارتيانىڭ «وزگە­رىستەر جولى: ءار ازاماتقا لايىقتى ءومىر!» سايلاۋالدى باع­دارلاماسىندا رۋحانيات پەن ما­دە­نيەتكە ءتيىستى نازار اۋدارىلىپ، ءبىرشاما جوبالار جۇزەگە اسقانىن العا تارتتى.

وسى ورايدا پارتيا تورا­عا­سى­نىڭ ءبىرىنشى ورىنباسارى زيا­لى قاۋىمنىڭ قوعامدىق ومىر­دە­گى بەلسەندىلىگى وتە جوعارى ەكە­نىن اتاپ ءوتتى. ونىڭ ايتۋىنشا، 2020 جى­لى پارتيا وتكىزگەن پرايمەريزگە رەسپۋبليكا بو­يىنشا 350-دەن اسا قالامگەر، پۋبليتسيست، اي­تىسكەر، جۋرناليست قاتىسقان.

بايقاۋدىڭ شارتتارى بۇقارا­لىق اقپارات قۇرالدارىندا، پار­تيا­نىڭ رەسمي سايتىندا جانە الەۋ­مەتتىك جەلىلەردەگى رەسمي اك­كاۋنت­تارىندا، سونداي-اق اikyn.kz سايتىندا، Miras پا­رتيا­لىق جو­باسىنىڭ Facebook پاراق­شا­سىن­دا جاريالانادى.

بايقاۋعا قاتىسۋ ءۇشىن جۇ­مىس­تار­دى قابىلداۋ 2021 جىلعى
1 قازان مەن 30 قاراشا ارالىعىندا جۇزەگە اسىرىلادى. كەلىپ تۇسكەن جۇمىستار اikyn.kz سايتىندا « ۇلى دالا» ايدارى اياسىندا جاريالانادى. جەڭىمپازداردى ماراپاتتاۋ ءراسىمى قازاقستان رەس­پۋبليكاسىنىڭ تاۋەلسىزدىگى كۇنى قارساڭىندا نۇر-سۇلتان قا­لا­سىن­دا وتەدى.