06 اقپان، 2014

جەڭىس جاتتىعۋ زالىنان باستالادى

193 رەت كورسەتىلدى
ەلىمىزدە دەنەشىنىقتىرۋ مەن سپورتتىڭ بۇقارالىق سيپاتتا دامۋىنا ايرىقشا كوڭىل بولىنۋدە. بۇل ماقساتتا اتقارىلاتىن جۇمىستار ەل دامۋىنىڭ ۇزاقمەرزىمدى «قازاقستان-2050» ستراتەگياسىندا ايقىن كورىنىس تاپتى. ماڭىزدى قۇجاتتا ەلباسى 2020 جىلعا دەيىن حالىقتىڭ 30 پايىزىن دەنەشىنىقتىرۋ جانە سپورتپەن اينالىسۋىن قامتاماسىز ەتۋ تۋرالى جاڭا مىندەتتەر قويدى. بۇل مىندەت – «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى بيىلعى جولداۋدا دا كورىنىس تاۋىپ، ۇلت دەنساۋلىعىنا، سالاماتتى ءومىر سالتىن ۇستانۋ مەن سپورتتى دامىتۋعا ايرىقشا ءمان بەرىلدى. ويتكەنى، ۇلى ۇلت بولىپ قالىپتاسۋ جولىنداعى ماڭگىلىك ەل يدەياسىنىڭ ءبىر ۇستىنى – دەنەشىنىقتىرۋ مەن سپورت. ەل تۇرعىندارى جاسىنىڭ ۇزاقتىعىن 80 جاسقا جەتكىزۋ ءۇشىن دە سالاماتتى ءومىر سالتىمەن بىرگە، دەنەشىنىقتىرۋ مەن سپورت وتە ماڭىزدى ءرول اتقارادى. وبلىس اكىمدىگىنىڭ دەنەشى­نىقتىرۋ جانە سپورت باسقارماسىنىڭ باسشىسى گاملەت قايناربەكوۆ وسى تۇرعىدا وڭىردە بىرقاتار جۇمىستار اتقارىلعانىن ايتادى. سوڭعى جىلدارى دەنەشىنىقتىرۋ مەن سپورتتى دامىتۋ جونىندە ۇيىمداستىرىلعان جۇمىستاردىڭ ناتيجەسىندە سپورتپەن اينالىساتىن وبلىس تۇرعىندارىنىڭ، ونىڭ ىشىندە جاستاردىڭ سانى ەداۋىر ارتقان. سپورت مەكەمەلەرىنىڭ ماتەريالدىق-تەحنيكالىق بازالارى دا بۇرىنعىدان نىعايا تۇسكەن. قالالار مەن اۋدانداردا جاڭادان سپورت الاڭدارى مەن سپورت زالدارىن سالۋ جانە بۇرىنعىلارىن جوندەۋ، قالپىنا كەلتىرۋ قارقىنى ۇدەيە ءتۇسىپتى. مىسالى، 2012 جىلى وبلىستا حالىققا 1973 سپورت نىسانى قىزمەت ەتسە، ال وتكەن جىلى ونىڭ سانى 1986-عا جەتكەن. ونىڭ ىشىندە 19 ستاديون، 665 فۋتبول الاڭى، 544 سپورت زالى، 644 سپورت الاڭشالارى جانە 114 باسقا دا نىساندار بار، دەيدى وبلىس سپورتىنىڭ جەتەكشىسى. ەڭ باستىسى، وبلىس اكىمى كارىم كوكىرەكباەۆ دەنەشىنىقتىرۋ مەن سپورتتىڭ ءوڭىر ءۇشىن وزەكتىلىگىن ءتۇسىنىپ، سالانى قارجىلىق جاعى­نان قولداپ وتىرعانىن ايتتى. مى­سالى، وتكەن جىلى وبلىس سپورتىنىڭ قاراجاتى 5،43 ميل­ليارد تەڭگەنى قۇراعان. ال ماتە­ريالدىق-تەحنيكالىق بازانى نى­عايتۋ ماقساتىندا 408،6 ميلليون تەڭگە قاراجات بولىنگەن. سوندىقتان باسقارما سپورت سالاسىن دامىتۋعا جانە قولدا بار سپورت نىساندارىنىڭ مۇمكىندىكتەرىن تولىق پايدالانۋدى باستى نازاردا ۇستاپ وتىر. 14   15 16 ء–بىز جۇمىستى ءۇش باعىتتا ۇيىم­داستىرۋدى قولعا الدىق. ءبىرىن­شىدەن، بۇقارالىق سپورتتى دامىتۋ، ەكىنشىدەن، جوعارعى سپورت جەتىستىكتەرىنە قول جەتكىزۋ جانە ۇشىنشىدەن، كەڭ اۋقىمدى ءىس-شارالار وتكىزۋ. وسىنداي جوس­پارلى جۇمىستىڭ ناتيجەسى دە بايقالا باستادى. بۇگىنگى كۇنى وڭىردە دەنەشىنىقتىرۋ جانە سپورتپەن جۇيەلى تۇردە شۇعىلدانۋشىلار قاتارى 234،7 مىڭ ادامعا جەتتى. ولاردىڭ باسىم بولىگىن مەكتەپ وقۋشىلارى، ورتا جانە جوعارى وقۋ ورىندارىنىڭ ستۋدەنتتەرى قۇرايدى. وتكەن جىلى وبلىس بويىنشا مەكتەپ جاسىنداعى 54465 وقۋشى سپورت سەكتسيالارىندا تۇراقتى تۇردە سپورت تۇرلەرىمەن شۇعىلداندى. بۇل كورسەتكىش جالپى وقۋشىلار سانىنىڭ 29،4 پايىزىن قۇرادى. ونىڭ ىشىندە مەكتەپتەن تىس سپورت سەكتسيالارىندا 35886 سپورتشى، ال 32 سپورت مەكتەبىندە 18 579 سپورتشى قامتىلدى، – دەيدى وبلىس اكىمدىگىنىڭ سپورت جانە دەنەشىنىقتىرۋ باسقار­ماسىنىڭ باسشىسى. وبلىس اۋماعىندا سوڭعى جىلدارى باسا نازار اۋدارىلعان ماسەلە  زامان تالابىنا ساي جاڭا سپورت نىساندارىن كوبەيتۋ بولدى. سونىڭ ناتيجەسىندە ءبىز «تاراز-ارەنا» سپورت سارايىنىڭ پايدالانۋعا بەرىلگەنىنە كۋا بولدىق. بۇل قۋانىشتى وبلىس تۇرعىندارى ونداعان جىلدار بويى كۇتكەنى دە راس. ساۋلەتتىك بەت-بەينەسى ەرەكشە بۇل نىساندى وبلىستا جۇمىس ساپارىمەن بولعان ەلباسى نۇرسۇلتان نازارباەۆ تا كورىپ، وڭ باعاسىن بەردى. بۇل كەشەندە 13 سپورت زالى بار. ولاردا ءبىر كۇندە 2،5 مىڭ ادام 18 سپورت ءتۇرى بويىنشا جاتتىعۋ جاساي الادى. سپورت سارايىنىڭ امبەباپ ويىن زالى (كىشى فۋتبول، ۆولەيبول، باسكەتبول جانە گاندبول) حالىقارالىق دەڭگەيدەگى جارىستاردى وتكىزۋ ستاندارتىنا سايكەس. سوندىقتان الداعى ۋاقىتتا «تاراز-ارەنا» سپورت سارايىندا ەل چەم­پيوناتتارى مەن الەمدىك جانە حا­لىقارالىق دارەجەدەگى جارىستاردى ۇيىمداستىرۋعا تولىق مۇمكىندىك بار. سونداي-اق، تاراز قالاسىندا – 3، جاڭاتاس قالاسىندا – 1 سپورت  كەشەنى حالىق يگىلىگىنە بەرىلدى. كەڭەس وكىمەتى كەزىنەن كەلە جاتقان ورتالىق ستاديوننىڭ ءۇستى ۋەفا تالاپتارىنا سايكەس ەۋروپالىق ستاندارتقا بەيىمدەلىپ جابىلۋى دا تاراز قالاسىنىڭ اجارىن اشا ءتۇستى. مۇندا ەندى قۋاتتىلىعى 1200 ليۋكستى جارىقتاندىرۋ كوز­دە­رى ورناتىلماقشى. قاراتاۋ قالا­سىنداعى «لاشىن» فۋتبول كومانداسى سپورتتىق بازاسىنىڭ قۇرىلىسى دا اياقتالعان. ال بيىلعى جىلى مويىنقۇم جانە جۋالى اۋداندارىنان سپورت زالدار سالۋ، تاراز قالا­سىنان شاعىن فۋتبول، باسكەتبول جانە ۆولەيبولعا ارنالعان جاساندى كوگال توسەلگەن امبەباپ سپورت الاڭدارىنىڭ قۇرىلىسىن قولعا الۋ كوزدەلۋدە. وبلىس ورتالىعىنداعى №3 وبلىستىق وليمپيادا جەتكىن­شەكتەرىن دايارلايتىن بالالار-جاسوسپىرىمدەر سپورت مەكتەبىنە دەنەشىنىقتىرۋ-ساۋىقتىرۋ كەشەنى قۇرىلىسىن باستاۋ، «ەۆروحيم» جشس-ءى ەسەبىنەن قاراتاۋ قالاسىندا №26 بالالار-جاسوسپىرىمدەر سپورت مەكتەبىنە دەنەشىنىقتىرۋ-ساۋىقتىرۋ كەشەنىن سالۋ جوسپارلانىپتى. – وبلىستا سپورتتىڭ تاەكۆوندو، كيكبوكسينگ، ات سپورتى ويىندارى، اكروباتيكا، كاراتە-دو، رەگبي سياقتى تۇرلەرىنەن ەل چەمپيوناتتارى وتكىزىلسە، ارمرەستلينگتەن ازيا كۋبوگى، ەركىن كۇرەستەن كورنەكتى مەملەكەت جانە قوعام قايراتكەرى دىنمۇحامەد قوناەۆتى ەسكە الۋعا ارنالعان حالىق­ارالىق جارىس جانە بارىمىزگە بەلگىلى «ەۋرازيا بارىسى» ءتۋرنيرى وتكىزىلدى. قازاق ەلىنىڭ اتىن الەمگە تانىتقان بۇل تۋرنير مەملەكەتىمىزدە تۇڭعىش رەت ۇيىمداستىرىلىپ وتىر. سونداي-اق، وبلىستا تالانتتى جاس سپورتشىلاردىڭ قاتارى دا جىل ساناپ ءوسىپ كەلەدى. ولاردىڭ اراسىندا بوكستان الەم چەمپيوناتىنىڭ كۇمىس جۇلدەگەرى نازەركە جۇرعاراەۆا، اكروباتيكالىق جولدا سەكىرۋدەن الەم كۋبوگىنىڭ قولا جۇلدەگەرى ەركەبۇلان ابدۋللاەۆ، ۆەلوسپورتتان ازيا چەمپيوناتىنىڭ كۇمىس جۇلدەگەرى نۇربولات ك ۇلىمبەتوۆ، دزيۋدودان جاستار اراسىندا ەۋروپا كۋبوگىنىڭ جەڭىمپازى روزا دوق­تىرباەۆا، تاەكۆوندودان ەۋرازيا ويىندارىنىڭ جەڭىمپازدارى اياۋلىم سۇلتانباەۆا، سۇلتان قاليبەك، سامبو كۇرەسىنەن جاستار اراسىنداعى الەم چەمپيوناتىنىڭ كۇمىس جۇلدەگەرى مارات نيگ­ما­تۋللاەۆتار بار. ايرىقشا ايتاتىن ءبىر جايت، ويلانىپ ۇيىم­داس­تىرىلعان جۇمىستاردىڭ ءناتي­جەسىندە تاراز قالاسىنىڭ ءداستۇرلى بوكس مەكتەبى قايتا تۇلەي باستادى، – دەيدى گ.قايناربەكوۆ. ءبىر قۇپتارلىعى، سپورت باس­قارماسى ەستۋ قابىلەتى تومەن سپورت­­شىلار اراسىندا وتكەن ءححىى سۋر­دوليمپيالىق ويىندارىندا ەركىن كۇرەستەن چەمپيون اتانىپ، التىننان القا تاققان عابيت ەسجانوۆپەن دە ماقتانادى. سونداي-اق، پاراليمپيالىق سپورتشىلار اراسىندا ءجۇزۋ سپورتىنان وتكەن الەم چەمپيوناتىندا 1 كۇمىس، 2 قولا جانە دۇنيەجۇزىلىك ويىندارىنىڭ 4 قاشىقتىقتا جەڭىم­پازى اتانىپ، الەم رەكوردىن جاڭارتقان ءزۇلفيا گابيدۋللينا دا قانداي قۇرمەت كورسەتسە دە لايىق جان ەكەن. تاعى ءبىر ايتا كەتەرلىك جايت، تاراز قالاسىندا مۇگەدەك-سپورتشىلار اراسىنداعى قازاقستان رەسپۋبليكاسىنىڭ ءىV سپارتاكياداسى بولىپ ءوتتى. بۇل جارىستا وبلىس سپورتشىلارى 6 التىن، 2 كۇمىس جانە 4 قولا مەدال يەلەنىپ، جانكۇيەرلەرىن قۋانىشقا بولەدى. كاراتە-دودان توكيودا وتكەن الەم چەمپيوناتىندا گۋزاليا گافۋروۆا الەم چەمپيونى تۇعىرىنا كوتەرىلدى. ال تاتيانا ۆەرينا، دميتري ترۋبين سياقتى سپورتشىلار ارمرەستلينگتەن وتكەن الەم چەمپيوناتىندا التىن مەدال يەلەنسە، زاير احمەدوۆ قولا مەدالعا قول جەتكىزگەن. جالپى، جامبىل ءوڭىرى ارمرەستلينگ شەبەرلەرىنىڭ التىنىنا باي دەسە دە بولعانداي. وتكەن جارىس جىلىندا جاس ەرەكشەلىكتەرى بويىنشا ولار الەم چەمپيوناتىندا 11 مەدال ولجالاسا، ونىڭ 6-ۋى التىننان بولدى. بوكستان جاس­تار اراسىنداعى ازيا چەمپيوناتىندا ايتجان شىلەەۆ، دزيۋدودان ءورازالى ەرمەكباي، جۇزۋدەن ەلميرا ايعاليەۆا، گرەك-ريم كۇرەسىنەن ءابۋناسىر ومىرزاق، ۆەلوسپورتتان ماگومەد مامەدوۆ جەڭىمپاز اتاندى. قازاقستان قۇراما كومانداسىنىڭ نەگىزىن قۇرايتىن «ايشا ءبيبى» سۋ دوبى كلۋبىنىڭ قىزدارى الەم چەمپيوناتىنا قاتىسىپ 11-ورىنعا تۇ­راقتاپ، ال رەسەي اشىق چەمپيوناتىنا 6-ورىنعا كوتەرىلدى. سونداي-اق، «تاراز» فۋتبول كلۋبى رەسپۋبليكا كۋبوگى جارىسىندا ناتيجەلى ويىن كورسەتىپ، اقتىق كەز­دەسۋدە قاراعاندى قالاسىنىڭ «شاحتەر» كومانداسىمەن كەزدەسكەنى بەلگىلى. وتكەن جىلى «اۋليە اتا» كوكپارشىلار كومانداسى قازاقستان رەسپۋبليكاسىنىڭ 7 دۇركىن چەمپيونى اتانسا، «اق بيداي» اۋىل سپورتى ويىندارىنىڭ دا جەڭىمپازى بولدى. ال جاستار قۇراما كومانداسى ەل بىرىنشىلىگىندە ەشكىمگە دەس بەرمەسە، جاسوسپىرىمدەر كومانداسى كۇمىس جۇلدەنى قانجىعاسىنا بايلادى. «تاراز» ۆولەيبول كلۋبى قازاقستان رەسپۋبليكاسىنىڭ ۇلتتىق ليگا كوماندالارى اراسىندا ونەر كورسەتۋگە جولداما الدى. وبلىستا كىشى فۋتبول، ۆولەيبول، باسكەتبول سياقتى ويىن تۇرلەرىنەن وقۋشىلار اراسىندا ليگا قۇرىلىپ، مەكتەپارالىق ليگا جارىسىنىڭ ءى كەزەڭى اياقتالدى. بيىلعى كوكتەم، جاز ايلارىندا اۋداندىق، وبلىستىق ىرىكتەۋ جارىستارى ۇيىمداستىرىلىپ، كۇز ايلارىندا جەڭىمپاز كوماندالار رەسپۋبليكالىق اقتىق جارىستارعا قاتىسادى. مۇنى وڭىردەگى وقۋشىلار سپورتىن دامىتۋعا باعىتتالعان شا­رالاردىڭ ءبىرى دەپ باعالاۋعا بولادى. سپورت ەلىمىزدىڭ مەملەكەتتىك برەندىنە اينالىپ كەلە جاتقان كەزدە تەك قانا جاقسى ناتيجەگە ۇمتىلعان ءلازىم. ويتكەنى، سپورتتاعى جەڭىس پەن جەتىستىك ماقتانۋ ءۇشىن ەمەس، سول جەڭىس پەن جەتىستىكتى ءارى قاراي جالعاستىرۋ ءۇشىن قاجەت. ال جەڭىس   جاتتىعۋ زالىنان باستالادى. كوسەمالى ساتتىباي ۇلى، «ەگەمەن قازاقستان». جامبىل وبلىسى.
سوڭعى جاڭالىقتار

قانات يسلام رەيتينگتە تومەندەدى

كاسىپقوي بوكس • بۇگىن، 10:30

«سارى» ايماقتا جالعىز-اق ءوڭىر قالدى

كوروناۆيرۋس • بۇگىن، 09:56

1142 ادام كوروناۆيرۋستان ساۋىقتى

كوروناۆيرۋس • بۇگىن، 09:05

جانىبەك ءتورتىنشى ورىندا

بوكس • بۇگىن، 08:59

قاڭتاردا اداسقان قارشىعا

قازاقستان • بۇگىن، 08:57

تۇڭعىش رەت قاتىسادى

قىسقى سپورت • بۇگىن، 08:55

شىرشالار «شىرىلدامايدى»

ايماقتار • بۇگىن، 08:52

بۋبليك ەكىنشى كەزەڭگە ءوتتى

تەننيس • بۇگىن، 08:50

چەمپيوندى كۇتىپ الدى

سپورت • بۇگىن، 08:42

جەتىسۋ: جاعداي تۇراقتالدى ما؟

ايماقتار • بۇگىن، 08:39

اقتوبە:«قاڭتار ساباقتارى»

ايماقتار • بۇگىن، 08:35

كاسىپكەر سىيلاعان كولىك

ايماقتار • بۇگىن، 08:32

«قىزىل ايماققا» قايتا ەندى

كوروناۆيرۋس • بۇگىن، 08:30

شەكتەۋ شارالارى كۇشەيدى

ايماقتار • بۇگىن، 08:23

بجزق 500 مىڭ ادامدى جارىلقادى

قوعام • بۇگىن، 08:15

جۇمىسسىز جاستارعا قولداۋ

قوعام • بۇگىن، 08:13

قوعامدىق كەلىسىمنىڭ جاڭا فورماتى

قازاقستان • بۇگىن، 08:06

ۇقساس جاڭالىقتار