قاراجات يگەرۋدەگى يكەمسىزدىك

وبلىس اكىمى قانات بوزىم­باەۆ­تىڭ توراعالىق ەتۋىمەن وتكەن اپپاراتتىق كەڭەستە نەگى­زىنەن وبلىستاعى باسقارۋ قۇرى­لى­مى مەن 2014 جىلى وبلىس بيۋدجەتىنە ەنگىزىلەتىن وزگەرىستەر قارالدى. بۇل ماسەلە وبلىستىق ءماسليحاتتىڭ سەسسياسىندا قارا­لىپ, تالقىلانعان بولاتىن. ءسويتىپ, وبلىس اكىمىنىڭ ورىنباسارلارى مىندەتتەرىنە وزگەرىستەر ەنگىزىلدى, بىرنەشە باسقارمالار قىسقارتىلدى. جيىندا وبلىس بيۋدجەتىنە وزگەرىستەر ەنگىزىلۋىنە وراي  قالالار مەن اۋدان اكىمدەرىنە بيۋدجەتتى قايتا قاراۋ, ءوڭىردىڭ الەۋمەتتىك-ەكونوميكالىق دامۋىنا  پايداسى از ءتيىمسىز شىعىستاردى وڭتايلاندىرۋ تۋرالى تاپسىرما بەرىلدى. سوندىقتان, قايتا  قارالاتىن قاراجاتتى, ءبىرىنشى كەزەكتە, باسىمدىق ماڭىزى زور وبلىس تۇرعىندارىنىڭ مۇددەسىنە قاتىستى ماسەلەلەردى شەشۋگە جۇمساڭىزدار. نەگىزگى تىرەك ينفراقۇرىلىمدى دامىتۋعا اۋىز سۋ مەن جولداردى جوندەۋگە, سونداي-اق, دەنساۋلىق ساقتاۋ جانە ءبىلىم سالاسىن جاقسارتۋعا جاسالسىن, دەدى قانات بوزىمباەۆ. مىسالى, وتكەن جىلدىڭ بيۋد­جەتىن يگەرۋ قورىتىندىسى وبلىس­تا 98,4 پايىزدى قۇراپ وتىر. ال, يگەرىلمەي قالعانى 2 ملرد. 318 ميلليون 500 مىڭ تەڭگە. ۇكىمەت سىزدەر سۇراعان قاراجاتتى بەرەدى. كەيىن سىزدەر بەرگەن قاراجاتتان باس تارتاسىزدار. نەگە؟ سەبەبى, سىزدەر بيۋدجەت قاراجاتىنىڭ قاجەتتىلىگىن دالەلدەپ قورعاي المايسىزدار, دەدى وبلىس اكىمى قانات بوزىمباەۆ. ايتسا ايتقانداي, ءسويتىپ, «ءارى تارت, بەرى تارتپەن» جۇرگەندە ەكى ورتادا قىرۋار قارجى يگەرىلمەي قالادى. فاريدا بىقاي, «ەگەمەن قازاقستان». پاۆلودار وبلىسى.