قوعام • 28 قىركۇيەك، 2021

نان باعاسى قىمباتتاي ما؟

42 رەت كورسەتىلدى

قر اۋىل شارۋاشىلىعى مينيسترلىگىنىڭ وسىمدىك شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ازات سۇلتانوۆ ءمالىم ەتكەندەي، بۇگىنگى كۇنى قازاقستاندا نان قۇنىن ارتتىراتىن العىشارتتار جوق، دەپ حابارلايدى Egemen.kz.

«بۇگىنگى تاڭدا قازاقستان نارىعىندا دا، الەمدىك نارىقتا دا بيداي باعاسىنىڭ ءوسۋى بايقالادى. ءبىرىنشى سۇرىپتى ۇننان جاسالعان قالىپتىق نان الەۋمەتتىك نان ساناتىنا جاتادى، ياعني باعانى رەتتەۋ جۇرگىزىلەتىن تاۋارلار تىزبەسىنە ەنگىزىلگەن. وڭىرلەردەگى الەۋمەتتىك ناننىڭ باعاسى تۇراقتى. قازىر بيدايعا نەمەسە ۇنعا دەگەن سۇرانىس جوق. بيداي مەن ۇن نارىقتا جەتكىلىكتى مولشەردە»، دەدى ازات سۇلتانوۆ بريفينگتە.

سونىمەن قاتار ول الەۋمەتتىك نان باعاسىنىڭ ءوسۋى جاعدايىندا ۇكىمەت مەملەكەتتىك رەتتەۋ شارالارىنا جۇگىنەتىنىن ايتتى.

«كەيىننەن، ەگەر بيداي باعاسىنىڭ ءوسۋى شىن مانىندە بولسا، بۇل ۇن باعاسىنىڭ وسۋىنە الىپ كەلەدى جانە نان باعاسىنا قاتىستى ماسەلەلەر تۋىنداۋى مۇمكىن، وندا زاڭدا كوزدەلگەن شارالار شەڭبەرىندە باعانى رەتتەۋ، تۇراقتاندىرۋ تەتىكتەرى، ونىڭ ىشىندە كەيىننەن نان ءپىسىرۋ كاسىپورىندارىنا بەرۋ ءۇشىن ۇن تارتۋ كاسىپورىندارىنا «ازىق-ت ۇلىك كورپوراتسياسىنىڭ» رەزەرۆتەرىنەن استىق كولەمىنىڭ ءبىر بولىگىن جونەلتۋ جولىمەن ەنگىزىلەتىن بولادى. نان ءوندىرۋ ءۇشىن شيكىزات باعاسى كوتەرىلگەن جاعدايدا ۇكىمەت تاراپىنان شارالار ەنگىزىلەتىن بولادى. الەۋمەتتىك نان باعاسىنىڭ كۇرت ءوسۋى بولمايدى»، دەپ سەندىردى ۆەدومستۆو وكىلى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار