ونەردىڭ وشپەيتىن ىزدەرى

«استانا وپەرا» تەاترىنىڭ العاشقى قادامىنان باستاپ بۇگىنگى كۇنگە دەيىنگى

تاريحى باياندالاتىن فوتوكورمەدەن الماتىلىقتار ۇمىتىلماس اسەر الارى ءسوزسىز.

ءدال وسى كەزدە الاتاۋدىڭ بوكتەرى الابوتەن كۇي كەشىپ جاتىر. «استانا وپەرا» تەاترىنىڭ ترۋپپاسى ءوز باعدارلاماسىن پاش ەتۋدە. اباي اتىنداعى مەملەكەتتىك اكادەميالىق وپەرا جانە بالەت تەاترىن بەتكە الىپ اعىلعان جۇرتتىڭ بار ماقساتى مۇنداعى فوتوكورمەدەن ەلوردالىق جاس تەاتردىڭ ارمان بولعان ىشكى, سىرتقى سىمباتىن تاماشالاپ ءسۇيسىنۋ. بۇرىن تەك ۇلكەن تەاترعا, لا سكالاعا ادامدار قانشاما كۇنى بۇرىن بيلەت ساتىپ الىپ, ازەر دەگەندە كىرەدى دەگەندە, مۇنداي اتى ادامزاتقا ارمان بولعان عاجايىپ مادەنيەت وشاقتارىنا سىرتتاي ءسۇيسىنىپ, «شىركىن, بىزدە قاشان سونداي تاماشا تەاترلار پايدا بولار ەكەن؟» دەپ, الداعى كۇندەرگە ءۇمىت ارتقاننان باسقا تۇك امالىمىز قالمايتىن. «استانا وپەرا» تەاترى كوپ­تىڭ كوكەيىندەگى ءۇمىت وتىن ۇرلە­گەن سول جارىق ساۋلە سياقتى. قۇرىلعانىنا از ۋاقىت بولعانىنا قاراماستان, ونىڭ ساحناسىندا اتاعىنان ات ۇركەتىن نەبىر تانىمال تۇلعالار ونەر كورسەتىپ ۇلگەردى. جاڭادان قانشاما تۋىندىلار ساحنالاندى. وسى جەتىستىكتەر تەاتردىڭ ءالى-اق الەمدىك دەڭگەيگە كوتەرىلەتىنىنە سەندىرەتىندەي. اباي اتىنداعى مەملەكەتتىك وپەرا جانە بالەت تەاترىنىڭ ەكىنشى قاباتىنا جايىلعان فوتوكورمە وسىنداي جارقىن ويعا جەتەلەيدى. جاڭا تەاتردىڭ قالاي دۇنيەگە كەلگەنى قىزىقتى وقيعالارعا تولى. قۇلاققا ءبىر سارقىلماس سارىن قۇيىلادى. الگى سارىن سالدەن سوڭ قيال قاناتىنا اينالىپ, جازىق دالاعا قاراي الىپ ۇشادى. مۇندا جارقىراپ بوي كوتەرگەن اق شاعالا تارىزدەس اپپاق وتاۋ الدىڭىزدان ۇشىراسادى. ءار فوتو تىرشىلىكتىڭ ناعىز بۋىرقانعان بۇلاعىنا باستايدى. كورمەدە ارقايسىسى ءتورت فوتودان تۇراتىن 12 ستەند ورنالاسقان, وندا «استانا وپەرا» موبت تاريحىنىڭ العاشقى بەتتەرى تۋرالى سىر شەرتىلەدى. پوستەردەگى اقپارات پەن سۋرەتتەر «استانا وپەرادا» ساحنالانعان العاشقى قويىلىمدار جايىندا, اتاپ ايتقاندا, قازاق وپەراسىنىڭ ءىنجۋ-مارجانى سانالاتىن مۇقان تولەباەۆتىڭ «بiرجان-سارا», زامانىمىزدىڭ كورنەكتى قويۋشى حورەوگرافى يۋ. گريگورەۆيچ قويعان پ. ي. چايكوۆسكيدىڭ «ۇيقىداعى ارۋ» بالەتى, يتاليالىق پەر لۋيدجي پيتستسي ساحنالاعان «اتتيلا» وپەراسى جانە دە الەمدىك تۇساۋكەسەر تۋرالى تارتىمدى باياندايدى. «رودەن» جانە «رومەو مەن دجۋلەتتا» بالەتتەرى بەينەلەنگەن سۋرەتتەر كورەرمەن نازارىنان تىس قالماسى انىق. سەبەبى, مۇندا سپەكتاكلدەردىڭ دەكوراتسياسى مەن كوستيۋمدەرى تۇگەل قامتىلعان. «استانا وپەرانىڭ» ۇلكەن زا­لىن, كامەرالىق مۋزىكا كونتسەرت­تەرىن جانە حالىقارالىق كونفەرەنتسيا وتكىزۋگە ارنالعان كا­مە­رالىق, سونداي-اق تولىق­قان­دى جۇمىس ءىس­تەۋگە كوشكەن كى­شى زالداردى كوز­بەن كورگەندەي اسەر تۇيدىرەتىن فوتو­شەجىرەلەر «كلاس­سيكانىڭ جاڭا جاسى», «حور مۋزى­كاسىنىڭ كە­شى», «پەتيا جانە قاسقىر», « ۇلى ەسىمدەر: ي. گايدن جانە ۆ. مو­تسارت», «جاڭاجىلدىق سەر­پانتين» سياقتى باسقا دا كوپ­تە­گەن تاقى­رىپ­تاردى العا تارتادى. نەگىزىن ەلباسىنىڭ ءوزى قالاعان العاشقى زاماناۋي تەاتر تاريحى تۇگەل قامتىلعان «استانا وپە­را» ات­تى كورمە نەبارى ءبىر اپتا, اق­پان­­نىڭ 3-ءى مەن 10-ى ارالىعىندا وتپەك. «ەگەمەن-اقپارات».