ناسيحاتشىلاردىڭ ناتيجەلى جۇمىسى

جەر-جەردە ەلباسى جولداۋىن ەلگە تۇسىندىرگەن اقپاراتتىق-ناسيحاتتىق توپ جۇمىس ىستەپ جاتىر. باستى مىندەت – ەلباسىنىڭ  الدىمىزعا قويىپ وتىرعان ۇلى مىندەتتەرىن ۇعىندىرىپ, سوعان جەتەر جولدىڭ قانداي ەكەنىن كورسەتۋ. قىزىلوردا وبلىسىنداعى اق­­پاراتتىق-ناسيحاتتىق توپتى ايماق باسشىسى قىرىمبەك كو­شەر­باەۆتىڭ ءوزى باسقارىپ, اۋدانداردى ارالاپ ءجۇر. قۇرامىندا قازاقستاننىڭ قوس ەڭبەك ەرى ابزال ەراليەۆ پەن يۋري پيا بار توپ ارال, قازالى, قارماقشى اۋ­­داندارىن ارالادى. وقىرمان تا­راپىنان «پيا نەگە ءجۇر؟» دەگەن سۇراق تۋىنداۋى مۇمكىن. ءويت­كەنى, يۋري پيانىڭ كىندىك قانى تامعان جەر – قىزىلوردا وبلىسى. اتاقتى دارىگەر قارماقشى اۋدا­نىنداعى ءىىى ينتەرناتسيونال اۋىلىندا ومىرگە كەلگەن. ءبى­راق ەرتەرەكتە كوشىپ كەتكەن. جول­داۋدى ناسيحاتتاۋ بارىسىندا ەڭ­بەك ەرى ءوزى تۋعان ۇيگە بارىپ, بالالىق شاعىمەن قاۋىشقانداي بولدى. وبلىس اكىمى قىرىمبەك كو­شەرباەۆ, قازاقستاننىڭ ەڭبەك ەرى ابزال ەراليەۆ, وبلىستىق ءماس­ليحاتتىڭ حاتشىسى بەكمىرزا ەلامانوۆ باستاعان اقپاراتتىق-ناسيحاتتىق توپ شيەلى, جاڭا­قور­عان اۋداندارىندا بولدى. ولار ەڭ ءبىرىنشى جاڭاقورعان اۋدا­­نىنداعى كەزىندە بەلدى شارۋا­شىلىقتاردىڭ ءبىرى بولعان, بۇل كۇندەرى دە ۇجىمداسىپ ءتىر­شى­لىك ەتۋدىڭ وزىندىك ۇلگىسىن قالىپ­تاستىرعان تۇگىسكەن اۋىلىنا باردى. تۇگىسكەندەگى ءانۋار ءابۋ­تا­لىپوۆ اتىنداعى ورتا مەكتەپ 600 ورىندىق جاڭا عيما­راتقا كوشتى. مۇندا قازىر اۋىل با­لالارى ءبىر اۋىسىمدا وقىپ, كەڭ دە جارىق كا­بينەتتەردە ءدارىس الىپ جاتقان جايى بار. اكىم باستاعان القالى توپ وسى مەك­تەپتىڭ جۇمىسىمەن تا­نىسىپ, اۋىل تۇرعىندارىمەن كەز­دەسىپ, پىكىرلەستى. شيەلى اۋدانىنداعى ەڭبەكشى اۋىلىنداعى جاڭا مەكتەپ تە پاي­دالانۋعا بەرىلدى. بۇعان دەيىن اپات­تى مەكتەپتە ءبىلىم الىپ كەل­­گەن بالالاردىڭ قۋا­نى­شىن­دا شەك جوق. اۋىل اقساقال­دارى ەل­با­سىنىڭ سىندارلى ساياسا­تى­نىڭ, ايماق باسشى­سى­نىڭ ناقتى جۇ­مى­سىنىڭ ارقا­سىندا مەكتەپتىڭ تەز جانە ساپالى سالىنعانى, سولايشا ەل يگىلىگىنە اينالعانى تۋرالى اي­تىپ, ءىلتيپاتتارىن جەتكىزدى. مەك­­تەپتى تولىق ارالاپ شىققان اق­پا­راتتىق-ناسيحاتتىق توپ وكىل­دەرى جاس جەتكىنشەكتەردىڭ بولا­شا­عىنا اق جول تىلەدى. ساپارى بارىسىندا وبلىس باسشىسى توقسان جاستىڭ ءتو­رىن­دەگى سوتسياليستىك ەڭبەك ەرى شى­رىن­كۇل قازانباەۆانىڭ وتباسىندا بولدى. كەشەگى كۇن مەن بۇگىننىڭ قوس ەڭبەك ەرىن قاتار كورگەن, ەرا­ليەۆتىڭ قازانباەۆادان باتا العانىن كورگەن دە ءبىر عانيبەت ەكەن. ونان سوڭ ىبىراي جاقاەۆ اتىنداعى مۇراجايعا باردى. دالا اكادەميگى اتانعان اتامىزدىڭ بيۋستىنە گۇل شوقتارىن قويىپ, اۋىل ادامدارىمەن جۇزدەستى. بۇل دا وتكەنگە قۇرمەتتىڭ ءبىر بەل­گىسى ەدى. جاڭاقورعان جانە شيە­لى اۋداندارىنىڭ اكتيۆ جيى­نىن­دا ايماق باسشىسى تاريحي قۇجات­تاعى باسىم باعىتتاردى كەڭ كولەمدە تاراتا اڭگىمەلەدى. وسى ماقساتتا ءتۇيىندى ويلارى­مەن ءبو­لىستى. سىر ءوڭىرىنىڭ ءوت­كەن جىل­­دىڭ قورىتىندىسى بويىن­شا, ەكو­نوميكالىق-الەۋ­مەت­تىك سالا­داعى قول جەتكەن جەتىس­تىك­تەرىنە توق­تالدى. اكىم اكتيۆ جيىندارىنداعى سوزىنە مۇناي-گاز سالاسىنىڭ جاڭا ورىندارىن بارلاۋ, وڭتۇستىك اۋدانداردا مەتاللۋرگيا مەن ۋران ءوندىرىسىن دامىتۋ, «شالقيا» كە­نىشىن قايتا ىسكە قوسۋ, شىنى زاۋىتىنىڭ قۇرىلىسىن سالۋ, ورتا جانە شاعىن كاسىپكەرلىكتى قولداۋ مەن ورىستەتۋدىڭ تىڭ قا­دام­دارىن ارقاۋ ەتتى. سونداي-اق, بايىرعى داقىل – كۇرىشتى جا­ڭا تەحنولوگيا­مەن ءوسىرىپ, ساپا­سىن ارتتىرۋ جانە دە سالانى ءارتا­راپ­تاندىرۋ ءسوز بولدى. ەرجان بايتىلەس, «ەگەمەن قازاقستان». قىزىلوردا وبلىسى.