«قۇرمەتتى فۋتبولشىلار, باپكەرلەر!
سىزدەردى ليتۆادا ءوتىپ جاتقان فۋتزالدان əلەم چەمپيوناتىنىڭ جارتىلاي فينالىنا شىعۋلارىڭىزبەن شىن جۇرەكتەن قۇتتىقتايمىن!
سىزدەر يرانمەن بولعان كەسكىلەسكەن ماتچتا تاباندىلىق پەن شىنايى شەبەرلىكتىڭ جارقىن ۇلگىسىن پاش ەتىپ, جۇمىر جەردەگى ۇزدىك ءتورت قۇرامانىڭ قاتارىنا قوسىلدىڭىزدار. كوگىلدىر ەكران الدىندا تاپجىلماي وتىرىپ, قىزۋ قولداۋ كورسەتكەن ادالجۇرەك جانكۇيەرلەردى, كۇللى ەلدى شات-شادىمان كوڭىل-كۇيگە بولەدىڭىزدەر.
قالىڭ قازاق ەلى وزدەرىڭىزدەي ەڭبەكقور, قايسار فۋتبولشىلاردى, تالاپشىل دا تاجىريبەلى باپكەرلەردى ماقتان تۇتادى. كەلە جاتقان ماڭىزدى ماتچتا وزگەلەرگە ۇقسامايتىن كەلىستى ويىندارىڭىز, قايسار مىنەزدەرىڭىز, جەڭىسكە دەگەن جىگەرلەرىڭىز سالتانات قۇرىپ, قارسىلاستان باسىم تۇسە بەرۋلەرىڭىزگە تىلەكتەسپىن. ءبىز سىزدەر ءۇشىن سوڭعى سەكۋندقا دەيىن قولداۋ كورسەتەمىز», دەپ جازىلعان ءمينيستردىڭ قۇتتىقتاۋ حاتىندا.
