«يندۋستريالاندىرۋ كارتاسىن ىسكە اسىرۋ بارىسىندا مينيسترلىك وبلىس اكىمدىكتەرىمەن بىرلەسىپ, وتىن-ەنەرگەتيكا كەشەنى سالاسىندا 4,5 ترلن تەڭگە قۇرايتىن 19 جوبانى ىسكە اسىرۋدا. رەسپۋبليكالىق كارتادا 4,3 ترلن تەڭگە سوماسىنا ءۇش جوبا كوزدەلگەن. بۇل جوبالار اياسىندا شامامەن 12 550 جۇمىس ورنى قۇرىلادى. ونىڭ ىشىندە قۇرىلىس كەزەڭىندە ون ءبىر مىڭعا جۋىق ادام جانە پايدالانۋ كەزەڭىندە 1 650 ادام جۇمىسپەن قامتىلاتىن بولادى. 2021 جىلى 25 ملرد تەڭگە بولاتىن ءبىر جوبا جۇزەگە اسىرىلدى», دەپ ءتۇسىندىردى م. مىرزاعاليەۆ.
ونىڭ ايتۋىنشا, قازىرگى تاڭدا جالپى سوماسى 4,3 ترلن تەڭگە بولاتىن 2 جوبا ىسكە اسىرىلىپ جاتىر. سونداي-اق, وڭىرلىك كارتادا ەكى ءجۇز ميلليارد تەڭگە سوماسىنا 16 جوبا كوزدەلگەن. بۇل جەردە ءۇش مىڭعا جۋىق جۇمىس ورنىن قۇرۋ جوسپارلانىپ وتىر. اتاپ ايتقاندا, قۇرىلىس كەزەڭىندە ەكى جارىم مىڭ ادام جانە پايدالانۋ كەزەڭىندە 450-گە جۋىق ادام جۇمىسپەن قامتىلادى. بۇگىنگى تاڭدا ءبىر جوبا سالىنىپ ءبىتتى. ونىڭ جالپى سوماسى 1,9 ملرد تەڭگەنى قۇرادى. 15 جوبا ىسكە اسىرىلىپ جاتىر. ولاردىڭ جالپى سوماسى – ەكى ءجۇز ملرد تەڭگەگە جۋىق.
«ونىڭ ىشىندە 14 جوبانى بيىل جۇزەگە اسىرۋ جوسپارلانىپ وتىر. ءبىر جوبانى ىسكە اسىرۋ 2022 جىلعا جوسپارلانعان», دەدى مينيستر.
