«جالپى ەپيدەميولوگيالىق جاعداي جاقسارىپ كەلەدى. بارلىق وڭىرلەردە ۆيرۋس جۇقتىرۋ دەڭگەيى ءبىرشاما ازايدى. دەگەنمەن, «قىزىل» ايماقتا الماتى جانە نۇر-سۇلتان قالالارى مەن قاراعاندى, پاۆلودار جانە اقمولا وبلىستارى قالىپ وتىر. سوندىقتان ەپيدەميولوگيالىق جاعدايدى باقىلاۋدا ۇستاۋ, ۆاكتسيناتسيالاۋدى جالعاستىرۋ قاجەت», دەدى اسقار مامين.
ۇكىمەت باسشىسىنىڭ دەرەگىنشە, قازىرگى ۋاقىتتا ءبىرىنشى كومپونەنت 7,5 ملن استام ادامعا, ەكىنشى كومپونەنت 6,4 ملن. ادامعا سالىندى.
«سونىمەن بىرگە تۇماۋ مەن باسقا دا رەسپيراتورلىق ينفەكتسيالار بويىنشا پروفيلاكتيكالىق جانە ەپيدەمياعا قارسى ءىس-شارا قولدانۋ قاجەت. تۇماۋعا قارسى ۆاكتسيناتسيالاۋ ءۇشىن 2,5 ملن دوزا ۆاكتسينا اكەلىندى. حالىقتى تۇماۋعا قارسى ۆاكتسيناتسيالاۋدى جانداندىرىپ, مەديتسينا ۇيىمدارىنىڭ تۇماۋ جۇقتىرعان ناۋقاستاردى قابىلداۋعا ازىرلىگىن قامتاماسىز ەتۋ قاجەت», دەگەن پرەمەر-مينيستر جالپى باقىلاۋدى ورىنباسارى ەرالى توعجانوۆقا جۇكتەدى.
