جاقىندا يوحاننەسبۋرگتە وڭتۇستىك افريكا رەسپۋبليكاسىنىڭ ەكس-پرەزيدەنتى نەلسون ماندەلانىڭ مۇراسى ۇلەستىرىلدى. بۇل تۋرالى Azattyg.org حابارلادى.
نەلسون ماندەلانىڭ 4 ملن. اقش دوللارىنان اساتىن بايلىعى وتباسى مۇشەلەرىنە جانە افريكا ۇلتتىق كونگرەسى مەن مەكتەپتەرگە بولىنەتىن بولدى. سوت ورىندارىنىڭ حابارلاۋىنشا, ماندەلانىڭ مۇراسىن بولۋگە ونىڭ وتباسى مۇشەلەرىنىڭ ەشقايسىسى قارسى بولماعان.
نەلسون ماندەلا 2013 جىلعى 5 جەلتوقساندا 95 جاسقا جەتىپ قايتىس بولدى. ونىڭ ارتىندا يوحاننەسبۋرگتەگى جانە ءوزى تۋعان پروۆينتسياداعى ۇيلەرى, سونداي-اق بىرنەشە كىتابىنىڭ ساتىلىمىنان تۇسكەن قوماقتى قارجى قالدى. قايتىس بولارىنا دەيىن ماندەلانىڭ بالالارى مەن نەمەرەلەرى ونىڭ بايلىعىنا كىم مۇراگەر بولادى دەگەن ماسەلە بويىنشا ءجيى داۋلاسىپ كەلگەن ەكەن.
ايدار ورىسباەۆ.
دەرەككوز: Azattyg.org.
فوتو: Reuters.com.
