الەم • 25 قىركۇيەك، 2021

اۋعانستاندا ءتورت ادام كوپشىلىك الدىندا ءولىم جازاسىنا كەسىلدى

929 رەت كورسەتىلدى

اۋعانستاندا بيلىككە كەلگەن «تاليبان» قوزعالىسىنىڭ سودىرلارى ادامداردى ۇرلادى دەپ ايىپتالعان گەراتتىڭ سولتۇستىك-باتىس پروۆينتسياسىنىڭ ءتورت تۇرعىنىن ءولىم جازاسىنا كەستى، دەپ حابارلايدى Egemen.kz راديو Sputnik-كە سىلتەمە جاساپ.

«تاليبان» وكىلتەرى كوپشىلىك الدىندا ءتورت ادامدى دارعا استى. تالىبتەردىڭ وزدەرى بولعان وقيعاعا رەسمي تۇردە تۇسىنىكتەمە بەرگەن جوق.

ءبىر كۇن بۇرىن توپتىڭ نەگىزىن قالاۋشىلاردىڭ ءبىرى مۋللا نۋرۋددين تۋرابي Associated Press اگەنتتىگىنە بەرگەن سۇحباتىندا كەيبىر قىلمىستار ءۇشىن قوعامدىق جازانى قايتارۋ جوسپارلارى تۋرالى مالىمدەدى. ونىڭ پىكىرىنشە، مۇنداي تاجىريبە «تەجەۋشى اسەرگە» يە.

اياق-قولداردى كەسۋ نەمەسە دارعا اسۋ تۇرىندەگى قوعامدىق جازالار اۋعانستاندا 1996 جىلدان 2001 جىلعا دەيىن، تاليبان ءبىرىنشى رەت بيلىكتە بولعان كەزدە كەڭىنەن قولدانىلدى.

تامىزدىڭ ورتاسىندا اۋعانستاننان امەريكاندىق اسكەري كونتينگەنتتىڭ شىعارىلۋى اياسىندا تاليبان بارلىق ءىرى قالالار مەن شەكارالاردى باسىپ الدى.
31 تامىزعا قاراعان ءتۇنى اقش اسكەري كۇشتەرى ەلدەگى اسكەري ميسسيانى رەسمي تۇردە اياقتاپ، يسلام رەسپۋبليكاسىندا 20 جىلعا جۋىق قاتىسۋىن اياقتادى.

«تاليبان» باسشىلارى شەتەلدىك ساربازداردىڭ كەتۋىمەن ەلدەگى سوعىس اياقتالىپ، قوعامدا شاريعات زاڭدارىن ساقتاۋعا نەگىزدەلگەن جاڭا مىنەز-ق ۇلىق نورمالارىن قالىپتاستىرۋعا كىرىستى دەپ مالىمدەدى.

اتاپ ايتقاندا، مۋزىكاعا تىيىم سالىندى، ايەلدەردىڭ قۇقىقتارى ەداۋىر شەكتەلدى، ال مەكتەپتەردە ۇلدار مەن قىزداردى بولەك وقىتا باستادى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار