«جەتى ادام قايتىس بولدى, ال قالعان توعىز ادام ەل-گابە اۋدانىنداعى موگاديشودا ءوزىن-ءوزى ولتىرگەن تەرروريستپەن كولىك جارىلعاننان كەيىن جاراقات الدى», دەپ حابارلادى جەرگىلىكتى SNTV News تەلەارناسى.
پرەمەر-مينيستر كەڭسەسى جانىنداعى ادام قۇقىقتارى جونىندەگى كەڭەسشى حيباك ابۋكار بولدى جارىلىستىڭ قۇربانى بولعانى دا اتاپ ءوتىلدى.
Garowe پورتالىنىڭ حابارلاۋىنشا, جارىلىس پرەزيدەنت سارايىنىڭ جانىندا بولعان.
«ال-كايدا» تەرروريستىك توبىمەن بايلانىستى «اش-شابااب» راديكالدى توبىنىڭ سودىرلارى شابۋىل ءۇشىن جاۋاپكەرشىلىكتى ءوز موينىنا الدى. ولاردىڭ ماقساتى ۇكىمەت شەنەۋنىكتەرى بولعان اۆتوموبيلدەر باعانى بولدى», دەپ جازادى پورتال.
فەدەرالدى ۇكىمەتتىڭ وكىلى موحاممەد يبراحيم مواليمۋدىڭ ايتۋىنشا, پرەمەر-مينيستر موحاممەد حۋسەين روبلە قۇربان بولعانداردىڭ جاقىندارىنا كوڭىل ايتىپ, «ۆارۆارلىق تەررورلىق شابۋىلدى» ايىپتادى.
بۇعان دەيىن Somali Guardian باسىلىمى ۇيدە جاسالعان جارىلعىش زات ءسوماليدىڭ وڭتۇستىگىندە جارىلىپ, جەتى بىتىمگەر قايتىس بولعانىن حابارلادى.
